శ్రీ నృసింహ ద్వాదశనామ స్తోత్రం

అస్య శ్రీనృసింహ ద్వాదశనామస్తోత్ర మహామంత్రస్య 
వేదవ్యాసో భగవాన్ ఋషిః 
అనుష్టుప్ఛందః 
లక్ష్మీనృసింహో దేవతా
 శ్రీనృసింహ ప్రీత్యర్థే వినియోగః |

ధ్యానం |
స్వభక్త పక్షపాతేన తద్విపక్ష విదారణమ్ |
నృసింహమద్భుతం వందే పరమానంద విగ్రహమ్ ||
స్తోత్రం |
ప్రథమం తు మహాజ్వాలో ద్వితీయం తూగ్రకేసరీ |
తృతీయం వజ్రదంష్ట్రశ్చ చతుర్థం తు విశారదః || 1 ||

పంచమం నారసింహశ్చ షష్ఠః కశ్యపమర్దనః |
సప్తమో యాతుహంతా చ అష్టమో దేవవల్లభః || 2||

నవ ప్రహ్లాదవరదో దశమోఽనంతహస్తకః |
ఏకాదశో మహారుద్రో ద్వాదశో దారుణస్తథా || 3 ||

ద్వాదశైతాని నామాని నృసింహస్య మహాత్మనః |
మంత్రరాజేతి విఖ్యాతం సర్వపాపవినాశనమ్ || 4 ||

క్షయాపస్మారకుష్ఠాది తాపజ్వరనివారణమ్ |
రాజద్వారే మహాఘోరే సంగ్రామే చ జలాంతరే || 5 ||

గిరిగహ్వార ఆరణ్యే వ్యాఘ్రచోరామయాదిషు |
రణే చ మరణే చైవ శమదం పరమం శుభమ్ || 6 ||

శతమావర్తయేద్యస్తు ముచ్యతే వ్యాధిబంధనాత్ |
ఆవర్తయేత్సహస్రం తు లభతే వాంఛితం ఫలమ్ || 7 ||

    ఇతి శ్రీ నృసింహ ద్వాదశనామ స్తోత్రం |