శ్రీ గాయత్రీ మంజరీ
ఏకదా తు మహాదేవం కైలాశగిరిసంస్థితం |
పప్రచ్ఛ దేవీ వంద్యా విబుధమండలైః || 1||
కతమం యోగమాసీనో యోగేశ త్వముపాససే |
యేన హి పరమాం సిద్ధిం ప్రాప్నువాన్ జగదీశ్వర || 2||
శ్రుత్వా తు పార్వతీ వాచం మధుసిక్తాం శ్రుతిప్రియాం |
సమువాచ మహాదేవో విశ్వకల్యాణకారకః || 3||
మహద్రహస్యం తద్గుప్తం యత్తు పృష్టం త్వయా ప్రియే |
తథాపి కథయిష్యామి స్నేహాత్తత్త్వామహం సమం || 4||
గాయత్రీ వేద మాతాస్తి సాద్యా శక్తిర్మతా భువి |
జగతాం జననీ చైవ తాముపాసేఽహమేవ హి || 5||
యౌగికానాం సమస్తానాం సాధనానాం తు హే ప్రియే |
గాయత్ర్యేవ మతా లోకే మూలాధారో విదాంవరైః || 6||
అతి రహస్యమయ్యేషా గాయత్రీ తు దశ భుజా |
లోకేఽతి రాజతే పంచ ధారయంతి ముఖాని తు || 7||
అతి గూఢాని సంశ్రుత్య వచనాని శివస్య చ |
అతి సంవృద్ధ జిజ్ఞాసా శివమూచే తు పార్వతీ || 8||
పంచాస్య దశబాహూనామేతేషాం ప్రాణవల్లభ |
కృత్వా కృపాం కృపాలో త్వం కిం రహస్యం తు మే వద || 9||
శ్రుత్వా త్వేతన్మహాదేవః పార్వతీవచనం మృదు |
తస్యాః శంకామపాకుర్వన్ ప్రత్యువాచ నిజాం ప్రియాం || 10||
గాయత్ర్యాస్తు మహాశక్తిర్విద్యతే యా హి భూతలే |
అనన్య భావతో హ్యస్మిన్నోతప్రోతోఽస్తి చాత్మని || 11||
బిభర్తి పంచావరణాన్ జీవః కోశాస్తు తే మతాః |
ముఖాని పంచ గాయత్ర్యాస్తానేవ వేద పార్వతి || 12||
విజ్ఞానమయాన్నమయ-ప్రాణమయ-మనోమయాః |
తథానందమయశ్చైవ పంచ కోశాః ప్రకీర్తితాః || 13||
ఏష్వేవ కోశకోశేషు హ్యనంతా ఋద్ధి సిద్ధయః |
గుప్తా ఆసాద్య యా జీవో ధన్యత్వమధిగచ్ఛతి || 14||
యస్తు యోగీశ్వరో హ్యేతాన్ పంచ కోశాన్ను వేధతే |
స భవసాగరం తీర్త్వా బంధనేభ్యో విముచ్యతే || 15||
గుప్తం రహస్యమేతేషాం కోషాణాం యోఽవగచ్ఛతి |
పరమాం గతిమాప్నోతి స ఏవ నాత్ర సంశయః || 16||
లోకానాం తు శరీరాణి హ్యన్నాదేవ భవంతి ను |
ఉపత్యకాసు స్వాస్థ్యం చ నిర్భరం వర్తతే సదా || 17||
ఆసనేనోపవాసేన తత్త్వ శుద్ధ్యా తపస్యయా |
చైవాన్నమయకోశస్య సంశుద్ధిరభిజాయతే || 18||
ఐశ్వర్యం పురుషార్థశ్చ తేజ ఓజో యశస్తథా |
ప్రాణశక్త్యా తు వర్ధంతే లోకానామిత్యసంశయం || 19||
పంచభిస్తు మహాప్రాణైర్లఘుప్రాణైశ్చ పంచభిః |
ఏతైః ప్రాణమయః కోశో జాతో దశభిరుత్తమః || 20||
బంధేన ముద్రయా చైవ ప్రాణాయామేన చైవ హి |
ఏష ప్రాణమయః కోశో యతమానం తు సిద్ధ్యతి || 21||
చేతనాయా హి కేంద్రంతు మనుష్యాణాం మనోమతం |
జాయతే మహతీత్వంతః శక్తిస్తస్మిన్ వశంగతే || 22||
ధ్యాన-త్రాటక-తన్మాత్రా జపానాం సాధనైర్నను |
భవత్యుజ్జ్వలః కోశః పార్వత్యేష మనోమయః || 23||
యథావత్ పూర్ణతో జ్ఞానం సంసారస్య చ స్వస్య చ |
నూనమిత్యేవ విజ్ఞానం ప్రోక్తం విజ్ఞానవేత్తృభిః || 24||
సాధనా సోఽహమిత్యేషా తథా వాత్మానుభూతయః |
స్వరాణాం సంయమశ్చైవ గ్రంథిభేదస్తథైవ చ || 25||
ఏషాం సంసిద్ధిభిర్నూనం యతమానస్య హ్యాత్మని |
ను విజ్ఞానమయః కోశః ప్రియే యాతి ప్రబుద్ధతాం || 26||
ఆనందావరణోన్నత్యాత్యంతశాంతి-ప్రదాయికా |
తురీయావస్థితిర్లోకే సాధకం త్వధిగచ్ఛతి || 27||
నాద బిందు కలానాం తు పూర్ణ సాధనయా ఖలు |
నన్వానందమయః కోశః సాధకే హి ప్రబుద్ధ్యతే || 28||
భూలోకస్యాస్య గాయత్రీ కామధేనుర్మతా బుధైః |
లోక ఆశ్రయణేనామూం సర్వమేవాధిగచ్ఛతి || 29||
పంచాస్యా యాస్తు గాయత్ర్యాః విద్యాం యస్త్వవగచ్ఛతి |
పంచతత్త్వ ప్రపంచాత్తు స నూనం హి ప్రముచ్యతే || 30||
దశభుజాస్తు గాయత్ర్యాః ప్రసిద్ధా భువనేషు యాః |
పంచ శూల మహాశూలాన్యేతాః సంకేతయంతి హి || 31||
దశభుజాన్నామేతాసాం యో రహస్యం తు వేత్తి యం సః |
త్రాసం శూలమహాశూలానాం నా నైవావగచ్ఛతి || 32||
దృష్టిస్తు దోషసంయుక్తా పరేషామవలంబనం |
భయం చ క్షుద్రతాఽసావధానతా స్వార్థయుక్తతా || 33||
అవివేకస్తథావేశస్తృష్ణాలస్యం తథైవ చ
ఏతాని దశ శూలాని శూలదాని భవంతి హి || 34||
నిజైర్దశభుజైర్నూనం శూలాన్యేతాని తు దశ |
సంహరతే హి గాయత్రీ లోకకల్యాణకారిణీ || 35||
కలౌ యుగే మనుష్యాణాం శరీరాణీతి పార్వతి |
పృథ్వీ తత్త్వ ప్రధానాని జానాస్యేవ భవంతి హి || 36||
సూక్ష్మతత్త్వ ప్రధానాన్యయుగోద్భూత నృణామతః |
సిద్ధీనాం తపసామేతే న భవంత్యధికారిణః || 37||
పంచాంగ యోగ సంసిద్ధ్యా గాయత్ర్యాస్తు తథాపి తే |
తద్యుగానాం సర్వశ్రేష్ఠాం సిద్ధిం సంప్రాప్నువంతి హి || 38||
గాయత్ర్యా వామమార్గీయం జ్ఞేయమత్యుచ్చసాధకైః |
ఉగ్రం ప్రచండమత్యంతం వర్తతే తంత్ర సాధనం || 39||
అత ఏవ తు తద్గుప్తం రక్షితం హి విచక్షణైః |
స్యాద్యతో దురుపయోగో న కుపాత్రైః కథంచన || 40||
గురుణైవ ప్రియే విద్యా తత్త్వం హృది ప్రకాశ్యతే |
గురుం వినా తు సా విద్యా సర్వథా నిష్ఫలా భవేత్ || 41||
గాయత్రీ తు పరావిద్యా తత్ఫలావాప్తయే గురుః |
సాధకేన విధాతవ్యో గాయత్రీ-తత్త్వ పండితః || 42||
గాయత్రీం యో విజానాతి సర్వం జానాతి స నను |
జానాతీమాం న యస్తస్య సర్వా విద్యాస్తు నిష్ఫలాః || 43||
గాయత్ర్యేవతపో యోగః సాధనం ధ్యానముచ్యతే |
సిద్ధీనాం సా మతా మాతా నాతః కించిత్ బృహత్తరం || 44||
గాయత్రీ సాధనా లోకే న కస్యాపి కదాపి హి |
యాతి నిష్ఫలతామేతత్ ధ్రువం సత్యం హి భూతలే || 45||
గుప్తముక్తం రహస్యం యత్ పార్వతి త్వాం పతివ్రతాం |
ప్రాప్స్యంతి పరమాం సిద్ధిం జ్ఞాస్యంత్యేతత్ తు యే జనాః || 46 ||ఇతి శ్రీ గాయత్రీ మంజరీ సంపూర్ణం||
అర్థం
శ్రీ గాయత్రీ శాపోద్ధార స్తోత్రం
శాపముక్తా హి గాయత్రీ చతుర్వర్గఫలప్రదా |
అశాపముక్తా గాయత్రీ చతుర్వర్గఫలాంతకా ||
ఓం అస్య శ్రీబ్రహ్మశాపవిమోచనమంత్రస్య నిగ్రహానుగ్రహకర్తా
ప్రజాపతిరృషిః అథవా బ్రహ్మా ఋషిః | కామదుఘా గాయత్రీ ఛందః |
భుక్తిముక్తిప్రదా బ్రహ్మశాపవిమోచనీ గాయత్రీశక్తిర్దేవతా |
బ్రహ్మశాపవిమోచనార్థే జపే వినియోగః ||
ఓం గాయత్రీం బ్రహ్మేత్యుపాసీత యద్రూపం బ్రహ్మవిదో విదుః |
తాం పశ్యంతి ధీరాః సుమనసో వాచమగ్రతః |
ఓం వేదాంతనాథాయ విద్మహే హిరణ్యగర్భాయ ధీమహీ తన్నో బ్రహ్మ ప్రచోదయాత్ |
ఓం దేవి గాయత్రీ త్వం బ్రహ్మ శాపాత్ విముక్తా భవ ||
ఓం అస్య శ్రీవసిష్ఠశాపవిమోచనమంత్రస్య
నిగ్రహానుగ్రహకర్తా వసిష్ఠఋషిః |
విశ్వోద్భవా గాయత్రీ ఛందః |
వసిష్ఠానుగ్రహితా గాయత్రీశక్తి దేవతాః |
వసిష్ఠ శాప విమోచనార్థం జపే వినియోగః ||
తత్త్వాని చాంగేష్వగ్నిచితో ధియాంసః ధ్యాయతి విష్ణోరాయుధాని బిభ్రత్ |
జనానతా సా పరమా చ శశ్వత్ | గాయత్రీమాసాచ్ఛురనుత్తమ చ ధామ
ఓం గాయత్రీవసిష్ఠశాపాద్విముక్తా భవ |
ఓం సోఽహమర్కమయం జ్యోతిరాత్మజ్యోతిరహం శివః |
ఆత్మజ్యోతిరహం శుక్రః సర్వజ్యోతిరసోఽస్మ్యహం ||
(ఇతి యుక్త్వ యోని ముద్రాం ప్రదర్శ్య గాయత్రీ త్రయం పదిత్వ )
( యోని ముద్రా దిఖాకర 3-తీన బార గాయత్రీ మంత్ర కా జాప కరే |)
ఓం దేవీ గాయత్రీ త్వం వసిష్ఠ శాపాత్ విముక్తా భవ ||
ఓం అస్య శ్రీవిశ్వామిత్రశాపవిమోచనమంత్రస్య
నూతనసృష్టికర్తా విశ్వామిత్రఋషిః |
వాగ్దోహా గాయత్రీ ఛందః |
విశ్వామిత్రానుగృహితా గాయత్రీ శక్తిః సవితా దేవతా |
విశ్వామిత్రశాపవిమోచనార్థే జపే వినియోగః ||
తత్త్వాని చాంగేష్వగ్నిచితో ధియాంసస్త్రిగర్భాం యదుద్భవాం
దేవాశ్చోచిరే విశ్వసృష్టిం | తాం కల్యాణీమిష్టకరీం
ప్రపద్యే యన్ముఖాన్నిఃసృతో వేదగర్భః ||
ఓం గాయత్రి త్వం విశ్వామిత్రశాపాద్విముక్తా భవ ||
ఓం గాయత్రీం భజామ్యగ్నిముఖీం విశ్వగర్భాం యదుద్భవాః |
దేవాశ్చక్రిరే విశ్వసృష్టిం తాం కల్యాణీమిష్టకరీం ప్రపద్యే ||
ఓం దేవీ గాయత్రీ త్వం విశ్వామిత్ర శాపాత్ విముక్తా భవ ||
ఓం అస్య శ్రీశుక్రశాపవిమోచనమంత్రస్య శ్రీశుక్ర ఋషిః |
అనుష్టుప్ఛందః | దేవి గాయత్రీ దేవతాః |
శుక్ర శాప విమోచనార్థం జపే వినియోగః ||
సోఽహమర్కమయం జ్యోతిరర్కజ్యోతిరహం శివః |
ఆత్మజ్యోతిరహం శుక్రః సర్వజ్యోతిరసోఽస్మ్యహం ||
ఓం దేవీ గాయత్రీ త్వం శుక్ర శాపాత్ విముక్తా భవ ||
ప్రార్థనా |
ఓం అహో దేవి మహాదేవి సంధ్యే విద్యే సరస్వతీ |
అజరే అమరే చైవ బ్రహ్మయోనిర్నమోఽస్తుతే ||
ఓం దేవీ గాయత్రీ త్వం బ్రహ్మశాపాత్ విముక్తా భవ |
వసిష్ఠశాపాత్ విముక్తా భవ |
విశ్వామిత్రశాపాత్ విముక్తా భవ |
శుక్రశాపాత్ విముక్తా భవ ||
తరచుగా అడిగే ప్రశ్నలు
శ్రీ గాయత్రీ మంజరీ స్తోత్రం అంటే ఏమిటి?
ఈ స్తోత్రాన్ని ఎప్పుడు మరియు ఎలా పఠించాలి?
శ్రీ గాయత్రీ మంజరీ స్తోత్ర పఠనం వల్ల కలిగే ప్రధాన ప్రయోజనాలు ఏమిటి?
శ్రీ గాయత్రీ మంజరీ స్తోత్రాన్ని ఎవరు పఠించవచ్చు?
ఈ స్తోత్రాన్ని ఎన్నిసార్లు పఠించాలి?
శ్రీ గాయత్రీ మంజరీ స్తోత్రం యొక్క మూలం ఏమిటి?
వ్యాఖ్యలు
వ్యాఖ్య రాయడానికి లాగిన్ అవ్వండి
వ్యాఖ్యలు లోడ్ అవుతున్నాయి...

