ఋణ విమోచక అంగారక స్తోత్రం

ఋణ విమోచక అంగారక స్తోత్రం

స్కంద ఉవాచ:

ఋణ గ్రస్త నరాణాంతు ఋణముక్తిః కధం భవేత్ |

బ్రహ్మోవాచ :
వక్ష్యేహం సర్వలోకానాం హితార్థం హితకామదమ్ |

ఓ అస్య శ్రీ అంగారక స్తోత్ర మహా మంత్రస్య | గౌతమ ఋషిః | అనుష్టుప్ చ్ఛందః | అంగారకో దేవతా | మమ ఋణ విమోచనార్థే జపే వినియోగః |

ధ్యానమ్ :

రక్త మాల్యాంబర ధరః శూల శక్తి గదాధరః |
చతుర్భుజో మేషగతో వరదశ్చధరా సుతః ||

మంగళో భూమి పుత్రశ్చ ఋణహర్తా కృపాకరః |
ధరాత్మజః కుజో బౌమో భూమిజో భూమి నందనః ||

అంగారకో యమశ్చైవ సర్వ రోగాపహారకః |
స్రష్టా కర్తాచ హర్తాచ సర్వదేవైశ్చ పూజితః || 

ఏతాని కుజ నామాని నిత్యం యః ప్రయతః పఠేత్ |
ఋణం నజాయతే తస్య ధనం ప్రాప్నోత్యసంశయః ||

అంగారక మహీపుత్ర భగవన్ భక్తవత్సల |
నమోస్తుతే మమాశేష ఋణమాశు విమోచయ ||  

రక్త గంధైశ్చ పుష్పైశ్చ ధూప దీపై ర్గుడోదనైః |
మంగళం పూజయిత్వాతు మంగళాహని సర్వదా ||

ఏక వింశతి నామాని పఠిత్వాతు తదంతికే |
ఋణరేఖాః ప్రకర్తవ్యా అంగారేణ తదగ్రతః || 

తాశ్చ ప్రమార్జయేత్ పశ్చాత్ వామపాదేన సంస్పృశన్

మూలమంత్రః

అంగారక మహీపుత్ర భగవన్ భక్తవత్సల |
నమోస్తుతే మమాశేష  ఋణ మాశు విమోచయ ||

ఏవం కృతే న సందేహో ఋణం హిత్వా ధనం లభేత్|
మహతీం శ్రియ మాప్నోతి హ్యపరో ధనదో యువా ||

అర్ఘ్యమ్ :

అంగారక మహీ పుత్ర భగవన్ భక్త వత్సల |
నమోస్తు తే మమాశేష ఋణమాశు విమోచయ  ||

భూమి పుత్ర మహా తేజ స్స్వేదోద్భవ పినాకినః |
ఋణార్తస్త్వాం ప్రపన్నోస్మి గృహాణార్ఘ్యం నమోస్తుతే ||

|| ఇతి ఋణ విమోచక అంగారక స్తోత్రం సంపూర్ణం ||