శ్రీ సుబ్రహ్మణ్య మానసపూజా స్తోత్రం

శ్రీ సుబ్రహ్మణ్య మానసపూజా స్తోత్రం

శ్రీమన్మేరుధరాధరాధిప మహాసౌభాగ్యసంశోభితే
మందారద్రుమవాటికాపరివృతే శ్రీస్కందశైలేమలే
సౌధే హాటకనిర్మితే మణిమయే సన్మంటపాభ్యంతరే
బ్రహ్మానందఘనం గుహాఖ్యమనఘం సింహాసనం చింతయే || 1 ||

మదనాయుతలావణ్యం నవ్యారుణశతారుణం |
నీలజీమూతచికురం అర్ధేందు సదృశాలికం || 2 ||

పుండరీకవిశాలాక్షం పూర్ణచంద్రనిభాననం |
చాంపేయ విలసన్నాసం మందహాసాంచితోరసం || 3 ||

గండస్థలచలచ్ఛోత్ర కుండలం చారుకంధరం |
కరాసక్తకనఃదండం రత్నహారాంచితోరసం || 4 ||

కటీతటలసద్దివ్యవసనం పీవరోరుకం |
సురాసురాదికోటీర నీరాజితపదాంబుజం || 5 ||

నానారత్న విభూషాఢ్యం దివ్యచందనచర్చితం |
సనకాది మహాయోగి సేవితం కరుణానిధిం || 6 ||

భక్తవాంఛితదాతారం దేవసేనాసమావృతం |
తేజోమయం కార్తికేయం భావయే హృదయాంబుజే || 7 ||

ఆవాహయామి విశ్వేశం మహాసేనం మహేశ్వరం |
తేజస్త్రయాత్మకం పీఠం శరజన్మన్ గృహాణ భోః || 8 ||

అనవద్యం గృహాణేశ పాద్యమద్య షడానన |
పార్వతీనందనానర్ఘ్యం అర్పయామ్యర్ఘ్యమద్భుతం || 9 ||

ఆచమ్యతామగ్నిజాత స్వర్ణపాత్రోద్యతైర్జలైః |
పంచామృతరసైర్దివ్యైః సుధాసమవిభావితైః || 10 ||

దధిక్షీరాజ్యమధుభిః పంచగవ్యైః ఫలోదకైః |
నానాఫలరసైర్దివ్యైర్నారికేళఫలోదకైః || 11 ||

దివ్యౌషధిరసైః స్వర్ణరత్నోదక కుశోదకైః |
హిమాంబుచందనరసైర్ఘనసారాదివాసితైః || 12 ||

బ్రహ్మాండోదరమధ్యస్థ తీర్థైః పరమపావనైః |
పావనం పరమేశాన త్వాం తీర్థైః స్నాపయామ్యహం || 13 ||

సుధోర్మిక్షీరధవళం భస్మనోధూళ్యతావకం |
సౌవర్ణవాససాకాయాం వేష్టయేఽభీష్టసిద్ధయే || 14 ||

యజ్ఞోపవీతం సుజ్ఞానదాయినే తేఽర్పయే గుహం |
కిరీటహారకేయూర భూషణాని సమర్పయే || 15 ||

రోచనాగరుకస్తూరీ సితాభ్రమసృణాన్వితం |
గంధసారం సురభిలం సురేశాభ్యుపగమ్యతాం || 16 ||

రచయే తిలకం ఫాలే గంధం మృగమదేన తే |
అక్షయ్యఫలదానర్ఘానక్షతానర్పయే ప్రభో || 17 ||

కుముదోత్పల కహ్లార కమలైః శతపత్రకైః |
జాతీచంపకపున్నాగ వకుళైః కరవీరకైః || 18 ||

దూర్వాప్రవాళమాలూర మాచీమరువపత్రకైః |
అకీటాదిహతైర్నవ్యైః కోమలైస్తులసీదళైః || 19 ||

పావనైశ్చంద్రకదళీ కుసుమైర్నందివర్ధనైః |
నవమాలాలికాభిః మతల్లికాతల్లజైరపి || 20 ||

కురండైరపి శమ్యాకైః మందారైరతిసుందరైః |
అగర్హితైశ్చ బర్హిష్ఠః పాటీదైః పారిజాతకైః || 21 ||

ఆమోదకుసుమైరన్యైః పూజయామి జగత్పతిం |
ధూపోఽయం గృహ్యతాం దేవ ఘ్రాణేంద్రియ విమోహకం || 22 ||

సర్వాంతరతమోహంత్రే గుహ తే దీపమర్పయే |
సద్యః సమాభృతం దివ్యమమృతం తృప్తిహేతుకం || 23 ||

సాల్యాన్నమద్భుతం నవ్యం గోఘృతం సూపసంగతం |
కదళీనారికేళామృధాన్యాద్యుర్వారుకాదిభిః || 24 ||

రచితైర్హరితైర్దివ్య ఖచరీభిః సుపర్పటైః |
సర్వసంస్తారసంపూర్ణైరాజ్యపక్వైరతిప్రియైః || 25 ||

రంభాపనసకూశ్మాండాపూపా నిష్పక్వమంతరైః |
విదారికా కారవేల్ల పటోలీ తగరోన్ముఖైః || 26 ||

శాకైర్బహువిధైరన్యైః వటకైర్వటుసంస్కృతైః |
ససూపసారనిర్గమ్య సరచీసురసేన చ || 27 ||

కూశ్మాండఖండకలిత తప్తక రసనేన చ |
సుపక్వచిత్రాన్నశతైః లడ్డుకేడ్డుమకాదిభిః || 28 ||

సుధాఫలామృతస్యందిమండక క్షీరమండకైః |
మాషాపూపగులాపూప గోధూమాపూప శర్కరైః || 29 ||

శశాంకకిరణోద్భాసి పోళికా శష్కుళీముఖైః |
భక్ష్యైరన్యైః సురుచిరైః పాయసైశ్చ రసాయనైః || 30 ||

లేహ్యైరుచ్చావచైః ఖండశర్కరాఫాణితాదిభిః |
గుడోదకైర్నారికేళరసైరిక్షురసైరపి || 31 ||

కూర్చికాభిరనేకాభిః మండికాభిరుపస్కృతం |
కదళీచూతపనసగోస్తనీ ఫలరాశిభిః || 32 ||

నారంగ శృంగబేరైల మరీచైర్లికుచాదిభిః |
ఉపదంశైః శరచ్చంద్ర గౌరగోదధిసంగతం || 33 ||

జంబీరరసకైసర్యా హింగుసైంధవనాగరైః |
లసతాజలదగ్రేణ పానీయేన సమాశ్రితం || 34 ||

హేమపాత్రేషు సరసం సాంగర్యేణ చ కల్పితం |
నిత్యతృప్త జగన్నాథ తారకారే సురేశ్వర || 35 ||

నైవేద్యం గృహ్యతాం దేవ కృపయా భక్తవత్సల |
సర్వలోకైకవరద మృత్యో దుర్దైత్యరక్షసాం || 36 ||

గంధోదకేన తే హస్తౌ క్షాళయామి షడానన |
ఏలాలవంగకర్పూర జాతీఫలసుగంధిలాం || 37 ||

వీటీం సేవయ సర్వేశ చేటీకృత జగత్రయ |
దత్తేర్నీరాజయామి త్వాం కర్పూరప్రభయానయ || 38 ||

పుష్పాంజలిం ప్రదాస్యామి స్వర్ణపుష్పాక్షతైర్యుతం |
ఛత్రేణ చామరేణాపి నృత్తగీతాదిభిర్గుహ || 39 ||

రాజోపచారైరఖిలైః సంతుష్టో భవ మత్ప్రభో |
ప్రదక్షిణం కరోమి త్వాం విశ్వాత్మక నమోఽస్తు తే || 40 ||

సహస్రకృత్వో రచయే శిరసా తేఽభివాదనం |
అపరాధసహస్రాణి సహస్వ కరుణాకర || 41 ||

నమః సర్వాంతరస్థాయ నమః కైవల్యహేతవే |
శ్రుతిశీర్షకగమ్యాయ నమః శక్తిధరాయ తే || 42 ||

మయూరవాహనస్యేదం మానసం చ ప్రపూజనం |
యః కరోతి సకృద్వాపి గుహస్తస్య ప్రసీదతి || 43 ||

ఇతి శ్రీ సుబ్రహ్మణ్య మానస పూజా |