శ్రీ సాయినాథ కరావలంబ స్తోత్రం

శ్రీ సాయినాథ కరావలంబ స్తోత్రం

శ్రీసాయినాథ షిరిడీశ భవాబ్ధిచంద్రా
గోదావరీతీర్థపునీతనివాసయోగ్యా |
యోగీంద్ర జ్ఞానఘన దివ్యయతీంద్ర ఈశా
శ్రీసాయినాథ మమ దేహి కరావలంబం || 1

దత్తావతార త్రిగుణాత్మ త్రిలోక్యపూజ్యా
అద్వైతద్వైత సగుణాత్మక నిర్గుణాత్మా |
సాకారరూప సకలాగమసన్నుతాంగా
శ్రీసాయినాథ మమ దేహి కరావలంబం || 2

నవరత్నమకుటధర శ్రీసార్వభౌమా
మణిరత్నదివ్యసింహాసనారూఢమూర్తే |
దివ్యవస్త్రాలంకృత గంధతిలకమూర్తే
శ్రీసాయినాథ మమ దేహి కరావలంబం || 3

సౌగంధపుష్పమాలాంకృత మోదభరితా
అవిరళ పదాంజలీ ఘటిత సుప్రీత ఈశా |
నిశ్చలానంద హృదయాంతరనిత్యతేజా
శ్రీసాయినాథ మమ దేహి కరావలంబం || 4

భవనామస్మరణకైంకర్య దీనబంధో
పంచబీజాక్షరీ జపమంత్ర సకలేశా |
ఓంకార శ్రీకార మంత్రప్రియ మోక్షదాయా
శ్రీసాయినాథ మమ దేహి కరావలంబం || 5

కరుణచరణాశ్రితావరదాతసాంద్రా
గురుభక్తి గురుబోధ గురుజ్ఞానదాతా |
గుర్వానుగ్రహశక్తి పరతత్త్వప్రదీపా
శ్రీసాయినాథ మమ దేహి కరావలంబం || 6

నింబవృక్షచ్ఛాయ నిత్యయోగానందమూర్తే
గురుపద్యధ్యానఘన దివ్యజ్ఞానభాగ్యా |
గురుప్రదక్షిణ యోగఫలసిద్ధిదాయా
శ్రీసాయినాథ మమ దేహి కరావలంబం || 7

ప్రేమగుణసాంద్ర మృదుభాషణా ప్రియదా
సద్భావసద్భక్తిసమతానురక్తి ఈశ |
సుజ్ఞాన విజ్ఞాన సద్గ్రంథశ్రవణవినోద
శ్రీసాయినాథ మమ దేహి కరావలంబం || 8

నిగమాంతనిత్య నిరవంద్య నిర్వికారా
సంసేవితానందసర్వే త్రిలోకనాథా |
సంసారసాగరసముద్ధర సన్నుతాంగా
శ్రీసాయినాథ మమ దేహి కరావలంబం || 9

సాధుస్వరూప సంతతసదానందరూపా
శాంతగుణ సత్త్వగుణ సఖ్యతాభావ ఈశా |
సహన శ్రద్ధా భక్తి విశ్వాస విస్తృతాంగా
శ్రీసాయినాథ మమ దేహి కరావలంబం || 10

నిత్యాగ్నిహోత్ర నిగమాంతవేద్య విశ్వేశా
మధుకరానంద నిరతాన్నదానశీలా |
పంక్తిభోజనప్రియా పూర్ణకుంభాన్నదాతా
శ్రీసాయినాథ మమ దేహి కరావలంబం || 11

సలిలదీపజ్యోతిప్రభవవిభ్రమానా
పంచభూతాది భయకంపిత స్తంభితాత్మా |
కర్కోటకాది సర్పవిషజ్వాలనిర్ములా
శ్రీసాయినాథ మామ దేహి కరావలంబం || 12

అజ్ఞానతిమిరసంహార సముద్ధృతాంగా
విజ్ఞానవేద్యవిదితాత్మక సంభవాత్మా |
జ్ఞానప్రబోధ హృదయాంతర దివ్యనేత్రా
శ్రీసాయినాథ మమ దేహి కరావలంబం || 13

ప్రత్యక్షదృష్టాంత నిదర్శనసాక్షిరూపా
ఏకాగ్రచిత్త భక్తిసంకల్పభాషితాంగా |
శరణాగత భక్తజన కారుణ్యమూర్తే
శ్రీసాయినాథ మమ దేహి కరావలంబం || 14

సంతాపసంశయనివారణ నిర్మలాత్మా
సంతానసౌభాగ్యసంపదవరప్రదాతా |
ఆరోగ్యభాగ్యఫలదాయక విభూతివైద్యా
శ్రీసాయినాథ మమ దేహి కరావలంబం || 15

ధరణీతలదుర్భరసంకటవిధ్వంసా
గ్రహదోష ఋణగ్రస్త శత్రుభయనాశా |
దారిద్ర్యపీడితఘనజాడ్యోపశమనా
శ్రీసాయినాథ మమ దేహి కరావలంబం || 16

గతజన్మఫలదుర్భరదోషవిదూరా
చరితార్థపుణ్యఫలసిద్ధియోగ్యదాయా |
ఇహలోకభవభయవినాశ భవాత్మా
శ్రీసాయినాథ మమ దేహి కరావలంబం || 17

నాస్తికవాద తర్కవితర్క ఖండితాంగా
అహమహంకారమభిమాన దర్పనాశా |
ఆస్తికవాద విబుధజనసంభ్రమానా
శ్రీసాయినాథ మమ దేహి కరావలంబం || 18

సద్భక్తి జ్ఞానవైరాగ్యమార్గహితబోధా
నాదబ్రహ్మానంద దివ్యనాట్యాచార్య ఈశ |
సంకీర్తనానంద స్మరణకైవల్యనాథా
శ్రీసాయినాథ మమ దేహి కరావలంబం || 19

ఇతి పరమపూజ్య అవధూత శ్రీశ్రీశ్రీ సాయికృపాకరయోగి గోపాలకృష్ణానంద స్వామీజీ విరచిత శ్రీ సాయినాథ కరావలంబ స్తోత్రం |