శ్రీ దక్షిణకాళీ కవచం 2

శ్రీ దక్షిణకాళీ కవచం 2

కైలాసశిఖరారూఢం భైరవం చంద్రశేఖరం |
వక్షఃస్థలే సమాసీనా భైరవీ పరిపృచ్ఛతి || 1 ||

శ్రీభైరవ్యువాచ |
దేవేశ పరమేశాన లోకానుగ్రహకారకః |
కవచం సూచితం పూర్వం కిమర్థం న ప్రకాశితం || 2 ||

యది మే మహతీ ప్రీతిస్తవాస్తి కుల భైరవ |
కవచం కాళికా దేవ్యాః కథయస్వానుకంపయా || 3 ||

శ్రీభైరవ ఉవాచ |
అప్రకాశ్య మిదం దేవి నరలోకే విశేషతః |
లక్షవారం వారితాసి స్త్రీ స్వభావాద్ధి పృచ్ఛసి || 4 ||

శ్రీభైరవ్యువాచ |
సేవకా బహవో నాథ కులధర్మ పరాయణాః |
యతస్తే త్యక్తజీవాశా శవోపరి చితోపరి || 5 ||

తేషాం ప్రయోగ సిద్ధ్యర్థం స్వరక్షార్థం విశేషతః |
పృచ్ఛామి బహుశో దేవ కథయస్వ దయానిధే || 6 ||

శ్రీభైరవ ఉవాచ |
కథయామి శృణు ప్రాజ్ఞే కాళికా కవచం పరం |
గోపనీయం పశోరగ్రే స్వయోనిమపరే యథా || 7 ||

అస్య శ్రీ దక్షిణకాళికా కవచస్య భైరవ ఋషిః ఉష్ణిక్ ఛందః అద్వైతరూపిణీ శ్రీ దక్షిణకాళికా దేవతా హ్రీం బీజం హూం శాక్తిః క్రీం కీలకం సర్వార్థ సాధన పురఃసర మంత్ర సిద్ధ్యర్థే పాఠే వినియోగః |

అథ కవచం |
సహస్రారే మహాపద్మే కర్పూరధవళో గురుః |
వామోరుస్థితతచ్ఛక్తిః సదా సర్వత్ర రక్షతు || 8 ||

పరమేశః పురః పాతు పరాపరగురుస్తథా |
పరమేష్ఠీ గురుః పాతు దివ్య సిద్ధిశ్చ మానవః || 9 ||

మహాదేవీ సదా పాతు మహాదేవః సదాఽవతు |
త్రిపురో భైరవః పాతు దివ్యరూపధరః సదా || 10 ||

బ్రహ్మానందః సదా పాతు పూర్ణదేవః సదాఽవతు |
చలశ్చిత్తః సదా పాతు చేలాంచలశ్చ పాతు మాం || 11 ||

కుమారః క్రోధనశ్చైవ వరదః స్మరదీపనః |
మాయామాయావతీ చైవ సిద్ధౌఘాః పాతు సర్వదా || 12 ||

విమలో కుశలశ్చైవ భీమసేనః సుధాకరః |
మీనో గోరక్షకశ్చైవ భోజదేవః ప్రజాపతిః || 13 ||

మూలదేవో రంతిదేవో విఘ్నేశ్వర హుతాశానః |
సంతోషః సమయానందః పాతు మాం మనవా సదా || 14 ||

సర్వేఽప్యానందనాథాంతః అంబాం తాం మాతరః క్రమాత్ |
గణనాథః సదా పాతు భైరవః పాతు మాం సదా || 15 ||

వటుకో నః సదా పాతు దుర్గా మాం పరిరక్షతు |
శిరసః పాదపర్యంతం పాతు మాం ఘోరదక్షిణా || 16 ||

తథా శిరసి మాం కాళీ హృది మూలే చ రక్షతు |
సంపూర్ణ విద్యయా దేవీ సదా సర్వత్ర రక్షతు || 17 ||

క్రీం క్రీం క్రీం వదనే పాతు హృది హూం హూం సదాఽవతు |
హ్రీం హ్రీం పాతు సదాధారే దక్షిణే కాళికే హృది || 18 ||

క్రీం క్రీం క్రీం పాతు మే పూర్వే హూం హూం దక్షే సదాఽవతు |
హ్రీం హ్రీం మాం పశ్చిమే పాతు హూం హూం పాతు సదోత్తరే || 19 ||

పృష్ఠే పాతు సదా స్వాహా మూలా సర్వత్ర రక్షతు |
షడంగే యువతీ పాతు షడంగేషు సదైవ మాం || 20 ||

మంత్రరాజః సదా పాతు ఊర్ధ్వాధో దిగ్విదిక్ స్థితః |
చక్రరాజే స్థితాశ్చాపి దేవతాః పరిపాంతు మాం || 21 ||

ఉగ్రా ఉగ్రప్రభా దీప్తా పాతు పూర్వే త్రికోణకే |
నీలా ఘనా బలాకా చ తథా పరత్రికోణకే || 22 ||

మాత్రా ముద్రా మితా చైవ తథా మధ్య త్రికోణకే |
కాళీ కపాలినీ కుల్లా కురుకుల్లా విరోధినీ || 23 ||

బహిః షట్కోణకే పాంతు విప్రచిత్తా తథా ప్రియే |
సర్వాః శ్యామాః ఖడ్గధరా వామహస్తేన తర్జనీః || 24 ||

బ్రాహ్మీ పూర్వదళే పాతు నారాయణీ తథాగ్నికే |
మాహేశ్వరీ దక్షదళే చాముండా రక్షసేఽవతు || 25 ||

కౌమారీ పశ్చిమే పాతు వాయవ్యే చాపరాజితా |
వారాహీ చోత్తరే పాతు నారసింహీ శివేఽవతు || 26 ||

ఐం హ్రీం అసితాంగః పూర్వే భైరవః పరిరక్షతు |
ఐం హ్రీం రురుశ్చాజినకోణే ఐం హ్రీం చండస్తు దక్షిణే || 27 ||

ఐం హ్రీం క్రోధో నైరృతేఽవ్యాత్ ఐం హ్రీం ఉన్మత్తకస్తథా |
పశ్చిమే పాతు ఐం హ్రీం మాం కపాలీ వాయు కోణకే || 28 ||

ఐం హ్రీం భీషణాఖ్యశ్చ ఉత్తరేఽవతు భైరవః |
ఐం హ్రీం సంహార ఐశాన్యాం మాతృణామంకగా శివాః || 29 ||

ఐం హేతుకో వటుకః పూర్వదళే పాతు సదైవ మాం |
ఐం త్రిపురాంతకో వటుకః ఆగ్నేయ్యాం సర్వదాఽవతు || 30 ||

ఐం వహ్ని వేతాళో వటుకో దక్షిణే మాం సదాఽవతు |
ఐం అగ్నిజిహ్వవటుకోఽవ్యాత్ నైరృత్యాం పశ్చిమే తథా || 31 ||

ఐం కాలవటుకః పాతు ఐం కరాళవటుకస్తథా |
వాయవ్యాం ఐం ఏకః పాతు ఉత్తరే వటుకోఽవతు || 32 ||

ఐం భీమవటుకః పాతు ఐశాన్యాం దిశి మాం సదా |
ఐం హ్రీం హ్రీం హూం ఫట్ స్వాహాంతాశ్చతుః షష్టి మాతరః || 33 ||

ఊర్ధ్వాధో దక్షవామార్గే పృష్ఠదేశే తు పాతు మాం |
ఐం హూం సింహవ్యాఘ్రముఖీ పూర్వే మాం పరిరక్షతు || 34 ||

ఐం కాం కీం సర్పముఖీ అగ్నికోణే సదాఽవతు |
ఐం మాం మాం మృగమేషముఖీ దక్షిణే మాం సదాఽవతు || 35 ||

ఐం చౌం చౌం గజరాజముఖీ నైరృత్యాం మాం సదాఽవతు |
ఐం మేం మేం విడాలముఖీ పశ్చిమే పాతు మాం సదా || 36 ||

ఐం ఖౌం ఖౌం క్రోష్టుముఖీ వాయుకోణే సదాఽవతు |
ఐం హాం హాం హ్రస్వదీర్ఘముఖీ లంబోదర మహోదరీ || 37 ||

పాతుమాముత్తరే కోణే ఐం హ్రీం హ్రీం శివకోణకే |
హ్రస్వజంఘతాలజంఘః ప్రలంబౌష్ఠీ సదాఽవతు || 38 ||

ఏతాః శ్మశానవాసిన్యో భీషణా వికృతాననాః |
పాంతు మా సర్వదా దేవ్యః సాధకాభీష్టపూరికాః || 39 ||

ఇంద్రో మాం పూర్వతో రక్షేదాగ్నేయ్యామగ్నిదేవతా |
దక్షే యమః సదా పాతు నైరృత్యాం నైరృతిశ్చ మాం || 40 ||

వరుణోఽవతు మాం పశ్చాత్ వాయుర్మాం వాయవేఽవతు |
కుబేరశ్చోత్తరే పాయాత్ ఐశాన్యాం తు సదాశివః || 41 ||

ఊర్ధ్వం బ్రహ్మా సదా పాతు అధశ్చానంతదేవతా |
పూర్వాదిదిక్ స్థితాః పాంతు వజ్రాద్యాశ్చాయుధాశ్చ మాం || 42 ||

కాళికాఽవాతు శిరసి హృదయే కాళికాఽవతు |
ఆధారే కాళికా పాతు పాదయోః కాళికాఽవతు || 43 ||

దిక్షు మాం కాళికా పాతు విదిక్షు కాళికాఽవతు |
ఊర్ధ్వం మే కాళికా పాతు అధశ్చ కాళికాఽవతు || 44 ||

చర్మాసృఙ్మాంసమేదాఽస్థి మజ్జా శుక్రాణి మేఽవతు |
ఇంద్రియాణి మనశ్చైవ దేహం సిద్ధిం చ మేఽవతు || 45 ||

ఆకేశాత్ పాదపర్యంతం కాళికా మే సదాఽవతు |
వియతి కాళికా పాతు పథి మాం కాళికాఽవతు || 46 ||

శయనే కాళికా పాతు సర్వకార్యేషు కాళికా |
పుత్రాన్ మే కాళికా పాతు ధనం మే పాతు కాళికా || 47 ||

యత్ర మే సంశయావిష్టాస్తా నశ్యంతు శివాజ్ఞయా |
ఇతీదం కవచం దేవి బ్రహ్మలోకేఽపి దుర్లభం || 48 ||

తవ ప్రీత్యా మాయాఖ్యాతం గోపనీయం స్వయోనివత్ |
తవ నామ్ని స్మృతే దేవి సర్వజ్ఞం చ ఫలం లభేత్ || 49 ||

సర్వపాపక్షయం యాంతి వాంఛా సర్వత్ర సిద్ధ్యతి |
నామ్నాః శతగుణం స్తోత్రం ధ్యానం తస్మాచ్ఛతాధికం || 50 ||

తస్మాత్ శతాధికో మంత్రః కవచం తచ్ఛతాధికం |
శుచిః సమాహితో భూత్వా భక్తి శ్రద్ధా సమన్వితః || 51 ||

సంస్థాప్య వామభాగే తు శక్తిం స్వామి పరాయణాం |
రక్తవస్త్రపరిధానాం శివమంత్రధరాం శుభాం || 52 ||

యా శక్తిః సా మహాదేవీ హరరూపశ్చ సాధకః |
అన్యోఽన్య చింతయేద్దేవీం దేవత్వముపజాయతే || 53 ||

శక్తియుక్తో యజేద్దేవీం చక్రే వా మనసాపి వా |
భోగైశ్చ మధుపర్కాద్యైస్తాంబూలైశ్చ సువాసితైః || 54 ||

తతస్తు కవచం దివ్యం పఠదేకమనాః ప్రియే |
తస్య సర్వార్థ సిద్ధిస్యాన్నాత్ర కార్యావిచారణా || 55 ||

ఇదం రహస్యం పరమం పరం స్వస్త్యయనం మహత్ |
యా సకృత్తు పఠేద్దేవి కవచం దేవదుర్లభం || 56 ||

సర్వయజ్ఞఫలం తస్య భవేదేవ న సంశయః |
సంగ్రామే చ జయేత్ శత్రూన్ మాతంగానివ కేశరీ || 57 ||

నాస్త్రాణి తస్య శస్త్రాణి శరీరే ప్రభవంతి చ |
తస్య వ్యాధి కదాచిన్న దుఃఖం నాస్తి కదాచన || 58 ||

గతిస్తస్యైవ సర్వత్ర వాయుతుల్యః సదా భవేత్ |
దీర్ఘాయుః కామభోగీశో గురుభక్తః సదా భవేత్ || 59 ||

అహో కవచ మాహాత్మ్యం పఠ్యమానస్య నిత్యశః |
వినాపి నయయోగేన యోగీశ సమతాం వ్రజేత్ || 60 ||

సత్యం సత్యం పునః సత్యం సత్యం సత్యం పునః పునః |
న శక్నోమి ప్రభావం తు కవచస్యాస్య వర్ణితం || 61 ||

ఇతి శ్రీ దక్షిణకాళికా కవచం |