శ్రీ భద్రకాళీ కవచం (జగన్మంగళం)

శ్రీ భద్రకాళీ కవచం (జగన్మంగళం)

శ్రీదేవ్యువాచ |
భగవన్ కరుణాంభోధే శాస్త్రాన్ భో నిధిపారగః |
త్రైలోక్యసారయేత్తత్త్వం జగద్రక్షణకారకః || 1 ||

భద్రకాళ్యా మహాదేవ్యాః కవచం మంత్రగర్భకం |
జగన్మంగళదం నామ వద శంభో దయానిధే || 2 ||

శ్రీభైరవ ఉవాచ |
భైం భద్రకాళీకవచం జగన్మంగళనామకం |
గుహ్యం సనాతనం పుణ్యం గోపనీయం విశేషతః || 3 ||

జగన్మంగళనామ్నోఽస్య కవచస్య ఋషిః శివః |
ఉష్ణిక్ఛందః సమాఖ్యాతం దేవతా భద్రకాళికా || 4 ||

భైం బీజం హూం తథా శక్తిః స్వాహా కీలకముచ్యతే |
ధర్మార్థకామమోక్షార్థే వినియోగః ప్రకీర్తితః || 5 ||

అస్య శ్రీజగన్మంగళనామ్నో భద్రకాళీ కవచస్య శివ ఋషిః ఉష్ణిక్ ఛందః శ్రీభద్రకాళీ దేవతా భైం బీజం హూం శక్తిః స్వాహా కీలకం ధర్మార్థకామమోక్షార్థే కవచ పాఠే వినియోగః |

అథ ధ్యానం |
ఉద్యచ్చంద్రకళావతంసిత శిఖాం క్రీంకారవర్ణోజ్జ్వలాం
శ్యామాం శ్యామముఖీం రవీందునయనాం హూంవర్ణరక్తాధరాం |
భైం బీజాంకిత మానసాం శవగతాం నీలాంబరోద్భాసితాం
స్వాహాలంకృత సర్వగాత్రలతికాం భైం భద్రకాళీం భజే ||

అథ కవచం |
ఓం | భైం పాతు మే శిరో నిత్యం దేవీ భైం భద్రకాళికా |
లలాటం క్రీం సదా పాతు మహారత్నేశ్వరీ తథా || 1 ||

క్రీం భ్రువౌ పాతు మే నిత్యం మహాకామేశ్వరీ తథా |
నేత్రేవ్యాత్ క్రీం చ మే నిత్యం నిత్యానందమయీ శివా || 2 ||

గండౌ మే పాతు భైం నిత్యం సర్వలోకమహేశ్వరీ |
శ్రుతీ హ్రీం పాతు మే నిత్యం సర్వమంగళమంగళా || 3 ||

నాసాం హ్రీం పాతు మే నిత్యం మహాత్రిభువనేశ్వరీ |
అధరే హూం సదావ్యాన్మే సర్వమంత్రమయీ తథా || 4 ||

జిహ్వాం క్రీం మే సదా పాతు విశుద్ధేశ్వరరూపిణీ |
భైం హ్రీం హ్రీం మే దంతాన్ పాతు నిత్యా క్రీం కులసుందరీ || 5 || [రదాన్]

హ్రీం హూం క్రీం మే గళం పాతు జ్వాలామండలమండనా |
హ్రీం హూం క్రీం మే భుజౌ పాతు భవమోక్షప్రదాంబికా || 6 ||

హ్రీం హూం క్రీం మే కరౌ పాతు సర్వానందమయీ తథా |
స్తనౌ క్రీం హూం సదా పాతు నిత్యా నీలపతాకినీ || 7 ||

క్రీం భైం హ్రీం మమ వక్షోవ్యాత్ బ్రహ్మవిద్యామయీ శివా |
భైం కుక్షిం మే సదా పాతు మహాత్రిపురసుందరీ || 8 ||

ఐం సౌః భైం పాతు మే పార్శ్వౌ విద్యా చతుర్దశాత్మికా |
ఐం క్లీం భైం పాతు మే పృష్ఠం సర్వమంత్రవిభూషితా || 9 ||

ఓం క్రీం ఐం సౌః సదావ్యాన్మే నాభిం భైం బైందవేశ్వరీ |
ఓం హ్రీం హూం పాతు శిశ్నం మే దేవతా భగమాలినీ || 10 ||

హ్రీం హ్రీం హ్రీం మే కటిం పాతు దేవతా భగరూపిణీ |
హూం హూం భైం భైం సదావ్యాన్మే దేవీ బ్రహ్మస్వరూపిణీ || 11 ||

ఓం క్రీం హూం పాతు మే జానూ మహాత్రిపురభైరవీ |
ఓం క్రీం ఐం సౌః పాతు జంఘే బాలా శ్రీత్రిపురేశ్వరీ || 12 ||

గుల్ఫౌ మే క్రీం సదా పాతు శివశక్తిస్వరూపిణీ |
క్రీం ఐం సౌః పాతు మే పాదౌ పాయాత్ శ్రీకులసుందరీ || 13 ||

భైం క్రీం హూం శ్రీం సదా పాతు పాదాధః కులశేఖరా |
ఓం క్రీం హూం శ్రీం సదావ్యాన్మే పాదపృష్ఠం మహేశ్వరీ || 14 ||

క్రీం హూం శ్రీం భైం వపుః పాయాత్ సర్వం మే భద్రకాళికా |
క్రీం హ్రీం హ్రీం పాతు మాం ప్రాతర్దేవేంద్రీ వజ్రయోగినీ || 15 ||

హూం భైం మాం పాతు మధ్యాహ్నే నిత్యమేకాదశాక్షరీ |
ఓం ఐం సౌః పాతు మాం సాయం దేవతా పరమేశ్వరీ || 16 ||

నిశాదౌ క్రీం చ మాం పాతు దేవీ శ్రీషోడశాక్షరీ |
అర్ధరాత్రే చ మాం పాతు క్రీం హూం భైం ఛిన్నమస్తకా || 17 ||

నిశావసానసమయే పాతు మాం క్రీం చ పంచమీ |
పూర్వే మాం పాతు శ్రీం హ్రీం క్లీం రాజ్ఞీ రాజ్యప్రదాయినీ || 18 ||

ఓం హ్రీం హూం మాం పశ్చిమేవ్యాత్సర్వదా తత్త్వరూపిణీ |
ఐం సౌః మాం దక్షిణే పాతు దేవీ దక్షిణకాళికా || 19 ||

ఐం క్లీం మాముత్తరే పాతు రాజరాజేశ్వరీ తథా |
వ్రజంతం పాతు మాం శ్రీం హూం తిష్ఠంతం క్రీం సదావతు || 20 ||

ప్రబుధం హూం సదా పాతు సుప్తం మాం పాతు సర్వదా |
ఆగ్నేయే క్రీం సదా పాతు నైరృత్యే హూం తథావతు || 21 ||

వాయవ్యే క్రీం సదా పాయాదైశాన్యాం భైం సదావతు |
ఉర్ధ్వం క్రీం మాం సదా పాతు హ్యధస్తాత్ హ్రీం తథైవ తు || 22 ||

చౌరతోయాగ్నిభీతిభ్యః పాయాన్మాం శ్రీం శివేశ్వరీ |
యక్షభూతపిశాచాది రాక్షసేభ్యోవతాత్సదా || 23 ||

ఐం క్లీం సౌః హూం చ మాతంగీ చోచ్ఛిష్ఠపదరూపిణీ |
దైత్యభూచరభీతిభ్యోఽవతాద్ద్వావింశదక్షరీ || 24 ||

విస్మరితం తు యత్ స్థానం యత్ స్థానం నామవర్జితం |
తత్సర్వం పాతు మే నిత్యం దేవీ భైం భద్రకాళికా || 25 ||

ఇతీదం కవచం దేవి సర్వమంత్రమయం పరం |
జగన్మంగళనామేదం రహస్యం సర్వకామికం || 26 ||

రహస్యాతి రహస్యం చ గోప్యం గుప్తతరం కలౌ |
మంత్రగర్భం చ సర్వస్వం భద్రకాళ్యా మయాస్మృతం || 27 ||

అద్రష్టవ్యమవక్తవ్యం అదాతవ్యమవాచికం |
దాతవ్యమభక్తేభ్యో భక్తేభ్యో దీయతే సదా || 28 ||

అశ్రోతవ్యమిదం వర్మ దీక్షాహీనాయ పార్వతి |
అభక్తేభ్యోపిపుత్రేభ్యో దత్వా నరకమాప్నుయాత్ || 29 ||

మహాదారిద్ర్యశమనం మహామంగళవర్ధనం |
భూర్జత్వచి లిఖేద్దేవి రోచనా చందనేన చ || 30 ||

శ్వేతసూత్రేణ సంవేష్ట్య ధారయేన్మూర్ధ్ని వా భుజే |
మూర్ధ్ని ధృత్వా చ కవచం త్రైలోక్యవిజయం భవేత్ || 31 ||

భుజే ధృత్వా రిపూన్ రాజా జిత్వా జయమవాప్నుయాత్ |
ఇతీదం కవచం దేవి మూలమంత్రైకసాధనం |
గుహ్యం గోప్యం పరం పుణ్యం గోపనీయం స్వయోనివత్ || 32 ||

ఇతి శ్రీభైరవీతంత్రే శ్రీ భద్రకాళీ కవచం |