హనుమాన్ బాహుక్ (తులసీదాస కృతం)

హనుమాన్ బాహుక్ (తులసీదాస కృతం)

– ఛప్పయ –

సింధు-తరన, సియ-సోచ-హరన, రబి-బాలబరన-తను |
భుజ బిసాల, మూరతి కరాల కాలహుకో కాల జను ||
గహన-దహన-నిరదహన-లంక నిసంక, బంక-భువ |
జాతుధాన-బలవాన-మాన-మద-దవన పవనసువ ||
కహ తులసిదాస సేవత సులభ, సేవక హిత సంతత నికట |
గునగనత, నమత, సుమిరత, జపత, సమన సకల-సంకట-బికట || 1 ||

స్వర్న-సైల-సంకాస కోటి-రబి-తరున-తేజ-ఘన |
ఉర బిసాల, భుజదండ చండ నఖ బజ్ర బజ్రతన ||
పింగ నయన, భృకుటీ కరాల రసనా దసనానన |
కపిస కేస, కరకస లంగూర, ఖల-దల బల భానన ||
కహ తులసిదాస బస జాసు ఉర మారుతసుత మూరతి బికట |
సంతాప పాప తేహి పురుష పహిఀ సపనేహుఀ నహిఀ ఆవత నికట || 2 ||

– ఝూలనా –

పంచముఖ-ఛముఖ-భృగుముఖ్య భట-అసుర-సుర,
సర్వ-సరి-సమర సమరత్థ సూరో |
బాంకురో బీర బిరుదైత బిరుదావలీ,
బేద బందీ బదత పైజపూరో ||
జాసు గుననాథ రఘునాథ కహ, జాసు బల,
బిపుల-జల-భరిత జగ-జలధి ఝూరో |
దువన-దల-దమనకో కౌన తులసీస హై
పవనకో పూత రజపూత రూరో || 3 ||

– ఘనాక్షరీ –

భానుసోఀ పఢన హనుమాన గయే భాను మన –
అనుమాని సిసుకేలి కియో ఫేరఫార సో |
పాఛిలే పగని గమ గగన మగన-మన,
క్రమకో న భ్రమ, కపి బాలక-బిహార సో ||
కౌతుక బిలోకి లోకపాల హరి హర బిధి,
లోచనని చకాచౌంధీ చిత్తని ఖభార సో |
బల కైధౌఀ బీరరస, ధీరజ కై, సాహస కై,
తులసీ సరీర ధరే సబనికో సార సో || 4 ||

భారతమేఀ పారథకే రథకేతు కపిరాజ,
గాజ్యో సుని కురురాజ దల హలబల భో |
కహ్యో ద్రోన భీషమ సమీరసుత మహాబీర,
బీర-రస-బారి-నిధి జాకో బల జల భో ||
బానర సుభాయ బాలకేలి భూమి భాను లాగి,
ఫలఀగ ఫలాఀగహూఀతేం ఘాటి నభతల భో |
నాయి-నాయి మాథ జోరి-జోరి హాథ జోధా జోహైఀ,
హనుమాన దేఖే జగజీవనకో ఫల భో || 5 ||

గోపద పయోధి కరి హోలికా జ్యోఀ లాయీ లంక,
నిపట నిసంక పరపుర గలబల భో |
ద్రోన-సో పహార లియో ఖ్యాల హీ ఉఖారి కర,
కందుక-జ్యోఀ కపిఖేల బేల కైసో ఫల భో ||
సంకటసమాజ అసమంజస భో రామరాజ,
కాజ జుగ-పూగనికో కరతల పల భో |
సాహసీ సమత్థ తులసీకో నాహ జాకీ బాఀహ,
లోకపాల పాలనకో ఫిర థిర థల భో || 6 ||

కమఠకీ పీఠి జాకే గోడనికీ గాడైఀ మానో
నాపకే భాజన భరి జలనిధి-జల భో |
జాతుధాన-దావన పరావనకో దుర్గ భయో,
మహామీనబాస తిమి తోమనికో థల భో ||
కుంభకర్న-రావన-పయోదనాద-ఈంధనకో
తులసీ ప్రతాప జాకో ప్రబల అనల భో |
భీషమ కహత మేరే అనుమాన హనుమాన –
సారిఖో త్రికాల న త్రిలోక మహాబల భో || 7 ||

దూత రామరాయకో, సపూత పూత పౌనకో, తూ
అంజనీకో నందన ప్రతాప భూరి భాను సో |
సీయ-సోచ-సమన, దురిత-దోష-దమన,
సరన ఆయే అవన, లఖనప్రియ ప్రాన సో ||
దసముఖ దుసహ దరిద్ర దరిబేకో భయో,
ప్రకట తిలోక ఓక తులసీ నిధాన సో |
జ్ఞాన-గునవాన బలవాన సేవా సావధాన,
సాహేబ సుజాన ఉర ఆను హనుమాన సో || 8 ||

దవన-దువన-దల భువన-బిదిత బల,
బేద జస గావత బిబుధ బందీఛోర కో |
పాప-తాప-తిమిర తుహిన-విఘటన-పటు,
సేవక-సరోరుహ సుఖద భాను భోరకో ||
లోక-పరలోకతేఀ బిసోక సపనే న సోక,
తులసీకే హియే హై భరోసో ఏక ఓరకో |
రామకో దులారో దాస బామదేవకో నివాస,
నామ కలి-కామతరు కేసరీ-కిసోరకో || 9 ||

మహాబల-సీమ, మహాభీమ, మహాబానయిత,
మహాబీర బిదిత బరాయో రఘుబీరకో |
కులిస-కఠోరతను జోరపరై రోర రన,
కరునా-కలిత మన ధారమిక ధీరకో ||
దుర్జనకో కాలసో కరాల పాల సజ్జనకో,
సుమిరే హరనహార తులసీకీ పీరకో |
సీయ-సుఖదాయక దులారో రఘునాయకకో,
సేవక సహాయక హై సాహసీ సమీరకో || 10 ||

రచిబేకో బిధి జైసే, పాలిబేకో హరి, హర
మీచ మారిబేకో, జ్యాఇబేకో సుధాపాన భో |
ధరిబేకో ధరని, తరని తమ దలిబేకో,
సోఖిబే కృసాను, పోషిబేకో హిమ-భాను భో ||
ఖల-దుఖ-దోషిబేకో, జన-పరితోషిబేకో,
మాఀగిబో మలీనతాకో మోదక సుదాన భో |
ఆరతకీ ఆరతి నివారిబేకో తిహుఀ పుర,
తులసీకో సాహేబ హఠీలో హనుమాన భో || 11 ||

సేవక స్యోకాఈ జాని జానకీస మానై కాని,
సానుకూల సూలపాని నవై నాథ నాఀకకో |
దేవీ దేవ దానవ దయావనే హ్వై జోరైం హాథ,
బాపురే బరాక కహా ఔర రాజా రాఀకకో ||
జాగత సోవత బైఠే బాగత బినోద మోద,
తాకై జో అనర్థ సో సమర్థ ఏక ఆఀకకో |
సబ దిన రూరో పరై పురో జహాఀ-తహాఀ తాహి,
జాకే హై భరోసో హియే హనుమాన హాఀకకో || 12 ||

సానుగ సగౌరి సానుకూల సూలపాని తాహి,
లోకపాల సకల లఖన రామ జానకీ |
లోక పరలోకకో బిసోక సో తిలోక తాహి,
తులసీ తమాఇ కహా కాహూ బీర ఆనకీ ||
కేసరీకిసోర బందీఛోరకే నేవాజే సబ,
కీరతి బిమల కపి కరునానిధానకీ |
బాలక-జ్యోం పాలహైం కృపాలు ముని సిద్ధ తాకో,
జాకే హియే హులసతి హాఀక హనుమానకీ || 13 ||

కరునా నిధాన, బలబుద్ధికే నిధాన, మోద-
మహిమానిధాన, గున-జ్ఞానకే నిధాన హౌ |
బామదేవ-రూప, భూప రామకే సనేహీ, నామ
లేత-దేత అర్థ ధర్మ కామ నిరబాన హౌ ||
ఆపనే ప్రభావ, సీతానాథకే సుభావ సీల,
లోక-బేద-బిధికే బిదుష హనుమాన హౌ |
మనకీ, బచనకీ, కరమకీ తిహుఀ ప్రకార,
తులసీ తిహారో తుమ సాహేబ సుజాన హౌ || 14 ||

మనకో అగమ, తన సుగమ కియే కపీస,
కాజ మహారాజకే సమాజ సాజ సాజే హైం |
దేవ-బందీఛోర రనరోర కేసరీకిసోర,
జుగ-జుగ జగ తేరే బిరద బిరజే హైం |
బీర బరజోర, ఘటి జోర తులసీకీ ఓర
సుని సకుచానే సాధు, ఖలగన గాజే హైం |
బిగరీ సఀవార అంజనీకుమార కిజే మోహిం,
జైసే హోత ఆయే హనుమానకే నివాజే హైం || 15 ||

– సవైయా –

జానసిరోమని హౌ హనుమాన సదా జనకే మన బాస తిహారో |
ఢారో బిగారో మైం కాకో కహా కేహి కారన ఖీఝత హౌం తో తిహారో ||
సాహేబ సేవక నాతే తే హాతో కియో సో తహాఀ తులసీకో న చారో |
దోష సునాయే తేం ఆగేహుఀకో హోశియార హ్వై హోం మన తౌ హియ హారో || 16 ||

తేరే థపే ఉథపై న మహేస, థపై థిరకో కపి జే ఘర ఘాలే |
తేరే నివాజే గరీబనివాజ బిరాజత బైరినకే ఉర సాలే |
సంకట సోచ సబై తులసీ లియే నామ ఫటై మకరీకే-సే జాలే |
బూఢ భయే, బలి, మేరిహి బార, కి హారి పరే బహుతై నత పాలే || 17 ||

సింధు తరే, బడే బీర దలే ఖల, జారే హైం లంకసే బంక మవా సే |
తైం రన-కేహరి కేహరికే బిదలే అరి-కుంజర ఛైల ఛవా సే ||
తోసోం సమత్థ సుసాహేబ సేఇ సహై తులసీ దుఖ దోష దవాసే |
బానర బాజ బఢే ఖల-ఖేచర, లీజత క్యోం న లపేటి లవా-సే || 18 ||

అచ్ఛ-బిమర్దన కానన-భాని దసానన ఆనన భా న నిహారో |
బారిదనాద అకంపన కుంభకరన్న-సే కుంజర కేహరి-బారో ||
రామ-ప్రతాప-హుతాసన, కచ్ఛ, బిపచ్ఛ, సమీర సమీరదులారో |
పాపతేఀ, సాపతేఀ, తాప తిహుఀతేఀ సదా తులసీ కహఀ సో రఖవారో || 19 ||

– ఘనాక్షరీ –

జానత జహాన హనుమానకో నివాజ్యౌ జన,
మన అనుమాని, బలి, బోల న బిసారియే |
సేవా-జోగ తులసీ కబహుఀ కహా చూక పరీ,
సాహేబ సుభావ కపి సాహిబీ సఀభారియే ||
అపరాధీ జాని కీజై సాసతి సహస భాంతి,
మోదక మరై జో, తాహి మాహుర న మారియే |
సాహసీ సమీరకే దులారే రఘుబీరజూకే,
బాఀహ పీర మహాబీర బేగి హీ నివారియే || 20 ||

బాలక బిలోకి, బలి, బారేతేం ఆపనో కియో,
దీనబంధు దయా కీన్హీం నిరూపాధి న్యారియే |
రావరో భరోసో తులసీకే, రావరోఈ బల,
ఆస రావరీయై, దాస రావరో బిచారియే ||
బడో బికరాల కలి, కాకో న బిహాల కియో,
మాథే పగు బలీకో, నిహారి సో నివారియే |
కేసరీకిసోర, రనరోర, బరజోర బీర,
బాఀహుపీర రాహుమాతు జ్యౌం పఛారి మారియే || 21 ||

ఉథపే థపనథిర థపే ఉథపనహార,
కేసరీకుమార బల ఆపనో సఀభారియే |
రామకే గులామనికో కామతరు రామదూత,
మోసే దీన దుబరేకో తకియా తిహారియే ||
సాహేబ సమర్థ తోసోం తులసీకే మాథే పర,
సోఊ అపరాధ బిను బీర, బాఀధి మారియే |
పోఖరీ బిసాల బాఀహు, బలి బారిచర పీర,
మకరీ జ్యౌం పకరికై బదన బిదారియే || 22 ||

రామకో సనేహ, రామ సాహస లఖన సియ,
రామకీ భగతి, సోచ సంకట నివారియే |
ముద-మరకట రోగ-బారినిధి హేరి హారే,
జీవ-జామవంతకో భరోసో తేరో భారియే ||
కూదియే కృపాల తులసీ సుప్రేమ-పబ్బయతేం,
సుథల సుబేల భాలు బైఠికై బిచారియే |
మహాబీర బాఀకురే బరాకీ బాఀహపీర క్యోం న,
లంకినీ జ్యోం లాతఘాత హీ మరోరి మారియే || 23 ||

లోక-పరలోకహుఀ తిలోక న బిలోకియత,
తోసే సమరథ చప చారిహుఀ నిహారియే |
కర్మ, కాల, లోకపాల, అగ-జగ జీవజాల,
నాథ హాథ సబ నిజ మహిమా బిచారియే ||
ఖాస దాస రావరో, నివాస తేరో తాసు ఉర,
తులసీ సో దేవ దుఖీ దేఖియత భారియే |
బాత తరుమూల బాఀహుసూల కపికచ్ఛు-బేలి,
ఉపజీ సకేలి కపికేలి హీ ఉఖారియే || 24 ||

కరమ-కరాల-కంస భూమిపాలకే భరోసే,
బకీ బకభగినీ కాహూతేం కహా డరైగీ |
బడీ బికరాల బాలఘాతినీ న జాత కహి,
బాఀహుబల బాలక ఛబీలే ఛోటే ఛరైగీ ||
ఆఈ హై బనాఇ బేష ఆప హీ బిచారి దేఖ,
పాప జాయ సబకో గునీకే పాలే పరైగీ |
పూతనా పిసాచినీ జ్యౌం కపికాన్హ తులసీకీ,
బాఀహపీర మహాబీర, తేరే మారే మరైగీ || 25 ||

భాలకీ కి కాలకీ కి రోషకీ త్రిదోషకీ హై,
బేదన బిషమ పాప-తాప ఛలఛాఀహకీ |
కరమన కూటకీ కి జంత్రమంత్ర బూటకీ,
పరాహి జాహి పాపినీ మలీన మనమాఀహకీ ||
పైహహి సజాయ నత కహత బజాయ తోహి,
బావరీ న హోహి బాని జాని కపినాఀహకీ |
ఆన హనుమానకీ దోహాఈ బలవానకీ,
సపథ మహాబీరకీ జో రహై పీర బాఀహకీ || 26 ||

సింహికా సంహారి బల, సురసా సుధారి ఛల,
లంకినీ పఛారి మారి బాటికా ఉజారీ హై |
లంక పరజారి మకరీ బిదారి బారబార,
జాతుధాన ధారి ధూరిధానీ కరి డారీ హై ||
తోరి జమకాతరి మదోదరి కఢోరి ఆనీ,
రావనకీ రానీ మేఘనాద మహఀతారీ హై |
భీర బాఀహపీరకీ నిపట రాఖీ మహాబీర,
కౌనకే సకోచ తులసీకే సోచ భారీ హై || 27 ||

తేరో బాలకేలి బీర సుని సహమత ధీర,
భూలత సరీరసుధి సక్ర-రబి-రాహుకీ |
తేరీ బాఀహ బసత బిసోక లోకపాల సబ,
తేరో నామ లేత రహై ఆరతి న కాహుకీ ||
సామ దాన భేద బిధి బేదహూ లబేద సిధి,
హాథ కపినాథహీకే చోటీ చోర సాహుకీ |
ఆలస అనఖ పరిహాసకై సిఖావన హై,
ఏతే దిన రహీ పీర తులసీకే బాహుకీ || 28 ||

టూకనికో ఘర-ఘర డోలత కఀగాల బోలి,
బాల జ్యోం కృపాల నతపాల పాలి పోసో హై |
కీన్హీ హై సంభార సార అంజనీకుమార బీర,
ఆపనో బిసారిహైం న మేరేహూ భరోసో హై ||
ఇతనో పరేఖో సబ భాంతి సమరథ ఆజు,
కపిరాజ సాఀచీ కహౌం కో తిలోక తోసో హై |
సాసతి సహత దాస కీజే పేఖి పరిహాస,
చీరీకో మరన ఖేల బాలకనికో సో హై || 29 ||

ఆపనే హీ పాపతేం త్రితాపతేం కి సాపతేం,
బఢీ హై బాఀహబేదన కహీ న సహి జాతి హై |
ఔషధ అనేక జంత్ర-మంత్ర-టోటకాది కియే,
బాది భయే దేవతా మనాయే అధికాతి హై ||
కరతార, భరతార, హరతార, కర్మ, కాల,
కో హై జగజాల జో న మానత ఇతాతీ హై |
చేరో తేరో తులసీ తూ మేరో కహ్యో రామదూత,
ఢీల తేరీ బీర మోహి పీరతేం పిరాతి హై || 30 ||

దూత రామరాయకో, సపూత పూత బాయకో,
సమత్థ హాథ పాయకో సహాయ అసహాయకో |
బాఀకీ బిరదావలీ బిదిత బేద గాఇయత,
రావన సో భట భయో ముఠికాకే ఘాయకో ||
ఏతే బడే సాహేబ సమర్థకో నివాజో ఆజ,
సీదత సుసేవక బచన మన కాయకో |
థోరీ బాఀహపీరకీ బడీ గలానీ తులసీకో,
కౌన పాప కోప, లోప ప్రగట ప్రభాయకో || 31 ||

దేవీ దేవ దనుజ మనుజ ముని సిద్ధ నాగ,
ఛోటే బడే జీవ జేతే చేతన అచేత హైం |
పూతనా పిసాచీ జాతుధానీ జాతుధాన బామ,
రామదూతకీ రజాఇ మాథే మాని లేత హైం ||
ఘోర జంత్ర మంత్ర కూట కపట కురోగ జోగ,
హనూమాన ఆన సుని ఛాడత నికేత హైం |
క్రోధ కీజే కర్మకో ప్రబోధ కీజే తులసీకో,
సోధ కీజే తినకో జో దోష దుఖ దేత హైం || 32 ||

తేరే బల బానర జితాయే రన రావనసోం,
తేరే ఘాలే జాతుధాన భయే ఘర-ఘరకే |
తేరే బల రామరాజ కియే సబ సురకాజ,
సకల సమాజ సాజ సజే రఘుబరకే ||
తేరో గునగాన సుని గీరబాన పులకత,
సజల బిలోచన బిరంచి హరి హరకే |
తులసీకే మాథేపర హాథ ఫేరో కీసనాథ,
దేఖియే న దాస దుఖీ తోసే కనిగరకే || 33 ||

పాలో తేరే టూకకో పరేహూ చూక మూకియే న,
కూర కౌడీ దూకో హౌం ఆపనీ ఓర హేరియే |
భోరానాథ భోరేహీ సరోష హోత థోరే దోష,
పోషి తోషి థాపి ఆపనో న అవడేరియే ||
అంబు తూ హౌఀ అంబుచర, అంబ తూ హౌఀ డింభ, సో న,
బూఝియే బిలంబ అవలంబ మేరే తేరియే |
బాలక బికాల జాని పాహి ప్రేమ పహిచాని,
తులసీకీ బాఀహ పర లామీలూమ ఫేరియే || 34 ||

ఘేరి లియో రోగని కుజోగని కులోగని జ్యౌం,
బాసర జలద ఘన ఘటా ధుకి ధాఈ హై |
బరసత బారి పీర జారియే జవాసే జస,
రోష బిను దోష, ధూమ-మూల మలినాఈ హై ||
కరునానిధాన హనుమాన మహాబలవాన,
హేరి హఀసి హాఀకి ఫూఀకి ఫౌజేం తైం ఉడాయీ హై |
ఖాయే హుతో తులసీ కురోగ రాఢ రాకసని,
కేసరీకిసోర రాఖే బీర బరిఆఈ హై || 34 ||

– సవైయా –

రామగులామ తుహీ హనుమాన
గోసాఀయి సుసాఀయి సదా అనుకూలో |
పాల్యో హౌం బాల జ్యోం ఆఖర దూ
పితు మాతు సోం మంగల మోద సమూలో ||
బాఀహకీ బేదన బాఀహపగార
పుకారత ఆరత ఆనంద భూలో |
శ్రీరఘుబీర నివారియే పీర
రహౌం దరబార పరో లటి లూలో || 36 ||

– ఘనాక్షరీ –

కాలకీ కరలతా కరమ కఠినాఈ కీధౌం,
పాపకే ప్రభావకీ సుభాయ బాయ బావరే |
బేదన కుభాంతి సో సహి న జాతి రాతి దిన,
సోఈ బాఀహ గహీ జో గహీ సమీరడావరే ||
లాయో తరు తులసీ తిహారో సో నిహారి బారి,
సీంచియే మలీన భో తయో హై తిహుఀ తావరే |
భూతనికీ ఆపనీ పరాయేకీ కృపానిధాన,
జానియత సబహీకీ రీతి రామ రావరే || 37 ||

పాయఀపీర పేటపీర బాఀహపీర ముఀహపీర,
జరజర సకల సరీర పీరమఈ హై |
దేవ భూత పితర కరమ ఖల కాల గ్రహ,
మోహిపర దవరి దమానక సీ దఈ హై ||
హౌం తో బిన మోలకే బికానో బలి బారేహీ తేం,
ఓట రామనామకీ లలాట లిఖి లఈ హై |
కుంభజకే కింకర బికల బూడే గోఖురని,
హాయ రామరాయ ఐసీ హాల కహూఀ భఈ హై || 38 ||

బాహుక-సుబాహు నీచ లీచర-మరీచ మిలి,
ముఀహపీర-కేతుజా కురోగ జాతుధాన హై |
రామ నామ జపజాగ కియో చహోఀ సానురాగ,
కాల కైసే దూత భూత కహా మేరే మాన హై ||
సుమిరే సహాయ రామలఖన ఆఖర దోఊ,
జినకే సమూహ సాకే జాగత జహాన హై |
తులసీ సఀభారి తాడకా-సఀహారి భారీ భట,
బేధే బరగదసే బనాఇ బానవాన హై || 39 ||

బాలపనే సూధే మన రామ సనముఖ భయో,
రామనామ లేత మాఀగి ఖాత టూకటాక హౌం |
పరయో లోకరీతిమేం పునీత ప్రీతి రామరాయ,
మోహబస బైఠో తోరి తరకితరాక హౌం |
ఖోటే-ఖోటే ఆచరన ఆచరత అపనాయో,
అంజనీకుమార సోధ్యో రామపాని పాక హౌం ||
తులసీ గోసాయీఀ భయో భోఀడే దిన భూలి గయో,
తాకో ఫల పావత నిదాన పరిపాక హౌం || 40 ||

అసన-బసన-హీన బిషమ-బిషాద-లీన,
దేఖి దీన దూబరో కరై న హాయ-హాయ కో |
తులసీ అనాథసో సనాథ రఘునాథ కియో,
దియో ఫల సీలసింధు ఆపనే సుభాయకో ||
నీచ యహి బీచ పతి పాయి భరుహాయిగో,
బిహాయి ప్రభు-భజన బచన మన కాయకో |
తాతేఀ తను పేషియత ఘోర బరతోర మిస,
ఫూటి-ఫూటి నికసత లోన రామరాయకో || 41 ||

జియోఀ జగ జానకీజీవనకో కహాయి జన,
మరిబేకో బారానసీ బారి సురసరికో |
తులసీకే దుహూఀ హాథ మోదక హై ఐసే ఠావుఀ,
జాకే జియే ముయే సోచ కరిహైఀ న లరికో |
మోకో ఝూఠో సాఀచో లోగ రామకో కహత సబ,
మేరే మన మాన హై న హరకో న హరికో |
భారీ పీర దుసహ సరీరతేఀ బిహాల హోత,
సోవూ రఘుబీర బిను సకై దూర కరికో || 42 ||

సీతాపతి సాహేబ సహాయ హనుమాన నిత,
హిత ఉపదేసకో మహేస మానో గురుకై |
మానస బచన కాయ సరన తిహారే పాఀయ,
తుమ్హరే భరోసే సుర మైఀ న జానే సురకై ||
బ్యాధి భూతజనిత ఉపాధి కాహూ ఖలకీ,
సమాధి కీజే తులసీకో జాని జన ఫురకై |
కపినాథ రఘునాథ భోలానాథ భూతనాథ,
రోగసింధు క్యోం న డారియత గాయ ఖురకై || 43 ||

కహోఀ హనుమానసోఀ సుజాన రామరాయసోఀ,
కృపానిధాన సంకరసోఀ సావధాన సునియే |
హరష విషాద రాగ రోష గున దోషమయీ,
బిరచీ బిరంచి సబ దేఖియత దునియే |
మాయా జీవ కాలకే కరమకే సుభాయకే,
కరైయా రామ బేద కహైఀ సాఀచీ మన గునియే |
తుమ్హతేఀ కహా న హోయ హాహా సో బుఝైయే మోహి,
హౌఀ హూఀ రహోఀ మౌన హీ బయో సో జాని లునియే || 44 ||

ఇతి శుభం ||