కార్తీకమాసం భగవాన్‌ శివునికి అత్యంత ప్రియమైన మాసం. ఈ నెలలో చేయు ప్రతి పూజ, జపం, దీపారాధన అనేక రెట్లు ఫలితాన్ని ఇస్తుంది. ఈ కాలంలో భక్తుడు తపస్సుతో, నియమపాలనతో, భక్తిశ్రద్ధలతో నడచి తన ఆత్మను పవిత్రం చేసుకోవాలి.
క్రింద ఇవ్వబడినవి కార్తీకమాసంలో చేయవలసిన 30 ముఖ్యమైన విధులు — ఇవి శరీర, మనస్సు, ఆత్మ శుద్ధికి దారి చూపి శివకృపను ప్రసాదిస్తాయి.
🪔 కార్తీకమాస ప్రత్యేక విధులు
- “ఓం నమః శివాయ” — శివపంచాక్షరి మంత్రాన్ని ప్రతి రోజు 108 సార్లు జపించాలి.
- ప్రతి ఉదయం చల్లని నీటితో తలస్నానం చేయాలి.
- ప్రతి నిత్యము శివాలయ దర్శనం చేయాలి.
- విశిష్ట దినములలో శైవక్షేత్రాలు దర్శించాలి.
- మాసములో కనీసం ఒక్కసారి అయినా రుద్రాభిషేకం చేయించాలి.
- ప్రతినిత్యము విభూది ధారణ చేయాలి; ప్రత్యేక దినములలో ఉపవాసం ఉండాలి.
- ప్రతిరోజు శివాభిషేక జలము స్వీకరించాలి.
- తప్పనిసరిగా రుద్రాక్ష మాల ధరించాలి.
- శివ పురాణమును ప్రతిరోజు పారాయణం చేయాలి.
- కార్తీక పురాణమును ప్రతినిత్యం చదవాలి.
- త్రయోదశి తిథి నాడు శనికి తైలాభిషేకము చేయాలి.
- సత్యనారాయణ స్వామి వ్రతము తప్పక చేయాలి.
- కేదారేశ్వర వ్రతము ఆచరించాలి.
- క్షీరాబ్ధిశయన వ్రతము కూడా ఆచరించాలి.
- నవగ్రహములకు ప్రతి సోమవారం 9 మార్లు ప్రదక్షిణ చేయాలి.
- శివాలయమునకు ప్రతిరోజు 11 మార్లు ప్రదక్షిణ చేయాలి.
- కార్తీక వనభోజనము తప్పక చేయాలి.
- వీలైతే పంచారామాలు అన్నీ దర్శించాలి లేదా కనీసం ఒక క్షేత్రమైన దర్శించాలి.
- కనీసం ఒక ద్వాదశ జ్యోతిర్లింగ క్షేత్ర దర్శనము చేయాలి.
- రుద్రకవచము సహిత రుద్రాభిషేకము చేయించాలి.
- శతరుద్రీయముతో రుద్రాభిషేకము చేయించాలి.
- గుడిలో కంటే ఇంటిలో ఏకాదశ రుద్రాభిషేకమును బ్రాహ్మణునితో చేయించటం ఉత్తమము.
- తప్పక నదీస్నానము చేయాలి.
- నదీతీరములో నర్మదాబాణం లేదా శాలగ్రామంను బ్రాహ్మణునికి దానం చేయాలి.
- సాధువులకు తెల్లని వస్త్రములు దానం చేయాలి.
- 108 వత్తులతో దీపారాధన చేయాలి.
- ఉసిరికచెట్టుకి దీపారాధన చేసి, దాని క్రింద భోజనం చేయాలి.
- బిల్వదళములతో శివార్చన చేయాలి.
- బీదలకు అన్నదానం చేయాలి లేదా ధనరూపేణ ఇవ్వాలి.
- శివాలయములలో జరుగుతున్న ఉపన్యాసాలు, ప్రత్యేక పూజలలో పాల్గొనాలి.
కార్తీకమాసంలో ఈ నియమాలు భక్తుని మనస్సును శుద్ధి చేస్తాయి, జీవనశైలిని ప్రశాంతంగా మారుస్తాయి. ప్రతి దీపం వెలిగించబడినప్పుడు, అది అంతరంగంలోని అజ్ఞానాన్ని తొలగిస్తుంది.
ఈ మాసం శివసన్నిధి చేరేందుకు ద్వారం వంటిది — భక్తి, జపం, దానం, మరియు సేవ ద్వారానే శివకృప పొందవచ్చు.
హర హర మహాదేవా 🙏