శ్రీగణేశాయ నమః ।
నారద ఉవాచ ।
ఆవిర్భూయ హరిస్తస్మై కిం స్తోత్రం కవచం దదౌ ।
మహాలక్ష్మ్యాశ్చ లక్ష్మీశస్తన్మే బ్రూహి తపోధన ॥1॥
నారాయణ ఉవాచ ।
పుష్కరే చ తపస్తప్త్వా విరరామ సురేశ్వరః ।
ఆవిర్బభూవ తత్రైవ క్లిష్టం దృష్ట్వా హరిః స్వయం ॥ 2॥
తమువాచ హృషీకేశో వరం వృణు యథేప్సితం ।
స చ వవ్రే వరం లక్ష్మీమీశస్తస్మై దదౌ ముదా ॥ 3॥
వరం దత్త్వా హృషీకేశః ప్రవక్తుముపచక్రమే ।
హితం సత్యం చ సారం చ పరిణామసుఖావహం ॥ 4॥
మధుసూదన ఉవాచ ।
గృహాణ కవచం శక్ర సర్వదుఃఖవినాశనం ।
పరమైశ్వర్యజనకం సర్వశత్రువిమర్దనం ॥ 5॥
బ్రహ్మణే చ పురా దత్తం విష్టపే చ జలప్లుతే ।
యద్ధృత్వా జగతాం శ్రేష్ఠః సర్వైశ్వర్యయుతో విధిః ॥ 6॥
బభూవుర్మనవః సర్వే సర్వైశ్వర్యయుతా యతః ।
సర్వైశ్వర్యప్రదస్యాస్య కవచస్య ఋషిర్విధిః ॥ 7॥
పంక్తిశ్ఛందశ్చ సా దేవీ స్వయం పద్మాలయా వరా ।
సిద్ధ్యైశ్వర్యసుఖేష్వేవ వినియోగః ప్రకీర్తితః ॥ 8॥
యద్ధృత్వా కవచం లోకః సర్వత్ర విజయీ భవేత్ ।
మస్తకం పాతు మే పద్మా కంఠం పాతు హరిప్రియా ॥ 9॥
నాసికాం పాతు మే లక్ష్మీః కమలా పాతు లోచనే ।
కేశాన్కేశవకాంతా చ కపాలం కమలాలయా ॥ 10॥
జగత్ప్రసూర్గండయుగ్మం స్కంధం సంపత్ప్రదా సదా ।
ఓం శ్రీం కమలవాసిన్యై స్వాహా పృష్ఠం సదాఽవతు ॥ 11॥
ఓం హ్రీం శ్రీం పద్మాలయాయై స్వాహా వక్షః సదాఽవతు ।
పాతు శ్రీర్మమ కంకాలం బాహుయుగ్మం చ తే నమః ॥ 12॥
ఓం హ్రీం శ్రీం లక్ష్మ్యై నమః పాదౌ పాతు మే సంతతం చిరం ।
ఓం హ్రీం శ్రీం నమః పద్మాయై స్వాహా పాతు నితంబకం ॥ 13॥
ఓం శ్రీం మహాలక్ష్మ్యై స్వాహా సర్వాంగం పాతు మే సదా ।
ఓం హ్రీం శ్రీం క్లీం మహాలక్ష్మ్యై స్వాహా మాం పాతు సర్వతః ॥ 14॥
ఇతి తే కథితం వత్స సర్వసంపత్కరం పరం ।
సర్వైశ్వర్యప్రదం నామ కవచం పరమాద్భుతం ॥ 15॥
గురుమభ్యర్చ్య విధివత్కవచం ధారయేత్తు యః ।
కంఠే వా దక్షిణే బాహౌ స సర్వవిజయీ భవేత్ ॥ 16॥
మహాలక్ష్మీర్గృహం తస్య న జహాతి కదాచన ।
తస్యచ్ఛాయేవ సతతం సా చ జన్మని జన్మని ॥ 17॥
ఇదం కవచమజ్ఞాత్వా భజేల్లక్ష్మీం స మందధీః ।
శతలక్షప్రజాపేఽపి న మంత్రః సిద్ధిదాయకః ॥ 18॥
నారాయణ ఉవాచ ।
దత్త్వా తస్మై చ కవచం మంత్రం వై షోడశాక్షరం ।
సంతుష్టశ్చ జగన్నాథో జగతాం హితకారణం ॥ 19॥
ఓం హ్రీం శ్రీం క్లీం నమో మహాలక్ష్మ్యై స్వాహా ।
దదౌ తస్మై చ కృపయా చేంద్రాయ చ మహామునే ॥ 20॥
ధ్యానం చ సామవేదోక్తం గోపనీయం సుదుర్లభం ।
సిద్ధైర్మునీంద్రైర్దుష్ప్రాప్యం ధ్రువం సిద్ధిప్రదం శుభం ॥ 21॥
శ్వేతచంపకవర్ణాభాం శతచంద్రసమప్రభాం ।
వహ్నిశుద్ధాంశుకాధానాం రత్నభూషణభూషితాం ॥ 22॥
ఈషద్ధాస్యప్రసన్నాస్యాం భక్తానుగ్రహకారికాం ।
కస్తూరీబిందుమధ్యస్థం సిందూరం భూషణం తథా ॥ 23॥
అమూల్యరత్నరచితకుండలోజ్జ్వలభూషణం ।
బిమ్రతీ కబరీభారం మాలతీమాల్యశోభితం ॥ 24॥
సహస్రదలపద్మస్థాం స్వస్థాం చ సుమనోహరాం ।
శాంతాం చ శ్రీహరేః కాంతాం తాం భజేజ్జగతాం ప్రసూం ॥ 25॥
ధ్యానేనానేన దేవేంద్రో ధ్యాత్వా లక్ష్మీం మనోహరాం ।
భక్త్యా సంపూజ్య తస్యై చ చోపచారాంస్తు షోడశ ॥ 26॥
స్తుత్వాఽనేన స్తవేనైవ వక్ష్యమాణేన వాసవ ।
నత్వా వరం గృహీత్వా చ లభిష్యసి చ నిర్వృతిం ॥ 27॥
స్తవనం శృణు దేవేంద్ర మహాలక్ష్మ్యాః సుఖప్రదం ।
కథయామి సుగోప్యం చ త్రిషు లోకేషు దుర్లభం ॥ 28॥
నారాయణ ఉవాచ ।
దేవి త్వాం స్తోతుమిచ్ఛామి న క్షమాః స్తోతుమీశ్వరాః ।
బుద్ధేరగోచరాం సూక్ష్మాం తేజోరూపాం సనాతనీం ।
అత్యనిర్వచనీయాం చ కో వా నిర్వక్తుమీశ్వరః ॥ 29॥
స్వేచ్ఛామయీం నిరాకారాం భక్తానుగ్రహవిగ్రహాం ।
స్తౌమి వాఙ్మనసోః పారాం కింవాఽహం జగదంబికే ॥ 30॥
పరాం చతుర్ణాం వేదానాం పారబీజం భవార్ణవే ।
సర్వసస్యాధిదేవీం చ సర్వాసామపి సంపదాం ॥ 31॥
యోగినాం చైవ యోగానాం జ్ఞానానాం జ్ఞానినాం తథా ।
వేదానాం వై వేదవిదాం జననీం వర్ణయామి కిం ॥ 32॥
యయా వినా జగత్సర్వమబీజం నిష్ఫలం ధ్రువం ।
యథా స్తనంధయానాం చ వినా మాత్రా సుఖం భవేత్ ॥ 33॥
ప్రసీద జగతాం మాతా రక్షాస్మానతికాతరాన్ ।
వయం త్వచ్చరణాంభోజే ప్రపన్నాః శరణం గతాః ॥ 34॥
నమః శక్తిస్వరూపాయై జగన్మాత్రే నమో నమః ।
జ్ఞానదాయై బుద్ధిదాయై సర్వదాయై నమో నమః ॥ 35॥
హరిభక్తిప్రదాయిన్యై ముక్తిదాయై నమో నమః ।
సర్వజ్ఞాయై సర్వదాయై మహాలక్ష్మ్యై నమో నమః ॥ 36॥
కుపుత్రాః కుత్రచిత్సంతి న కుత్రాపి కుమాతరః ।
కుత్ర మాతా పుత్రదోషం తం విహాయ చ గచ్ఛతి ॥ 37॥
స్తనంధయేభ్య ఇవ మే హే మాతర్దేహి దర్శనం ।
కృపాం కురు కృపాసింధో త్వమస్మాన్భక్తవత్సలే ॥ 38॥
ఇత్యేవం కథితం వత్స పద్మాయాశ్చ శుభావహం ।
సుఖదం మోక్షదం సారం శుభదం సంపదః ప్రదం ॥ 39॥
ఇదం స్తోత్రం మహాపుణ్యం పూజాకాలే చ యః పఠేత్ ।
మహాలక్ష్మీర్గృహం తస్య న జహాతి కదాచన ॥ 40॥
ఇత్యుక్త్వా శ్రీహరిస్తం చ తత్రైవాంతరధీయత ।
దేవో జగామ క్షీరోదం సురైః సార్ధం తదాజ్ఞయా ॥ 41॥
॥ ఇతి శ్రీబ్రహ్మవైవర్తమహాపురాణే గణపతిఖండే
నారదనారాయణసంవాదే లక్ష్మీస్తవకవచపూజాకథనం
నామ ద్వావింశోఽధ్యాయః ॥ 22॥
అర్థం
ఈ పూజా శ్రీమహాలక్ష్మీ దేవి కవచంతో కూడిన స్తవన రూపంలో ఉంది. ఇందులో నారదుడు మరియు నారాయణుడు మధ్య సంభాషణ రూపంలో మహాలక్ష్మీ కవచం, స్తవనం, మరియు పూజా విధానం వివరించబడింది.
నారదుడు హరిదేవుని అడుగగా, నారాయణుడు మహాలక్ష్మీ కవచాన్ని, దాని శక్తిని మరియు పఠన ఫలితాన్ని వివరిస్తాడు. ఈ కవచం సర్వదుఃఖవినాశనం, ఐశ్వర్యప్రదం, శత్రువులను జయించే శక్తిని కలిగినదిగా వర్ణించబడింది.
దేవతలను, మానవులను, సర్వసంపత్తులను రక్షించే పరమ రహస్యమైన కవచం ఇది.
ధ్యానం, జపం, మరియు పూజా విధానం ద్వారా భక్తుడు సంపద, శాంతి, మోక్షం, మరియు దేవి అనుగ్రహాన్ని పొందుతాడు.
సారాంశం:
• మహాలక్ష్మీ కవచం బ్రహ్మ, ఇంద్ర, మరియు ఇతర దేవతలకు ఇవ్వబడిన దివ్యరక్షణగా చెప్పబడింది.
• దీన్ని ధరించిన లేదా పఠించిన వారు దారిద్ర్యం, వ్యాధి, అపశకునం, మరియు శత్రువుల నుండి రక్షించబడతారు.
• కవచం చదవకుండానే దేవిని భజించినా ఫలితం తక్కువ, కాబట్టి జ్ఞానంతో పఠించడం ప్రధానమని సూచించబడింది.
• చివరలో మహాలక్ష్మీ దేవి భక్తులపై కరుణ చూపి, గృహంలో ఎప్పటికీ వాసం చేస్తుందని ఆశీర్వదిస్తారు.
ఉపయోగ సూచన:
ఈ స్తవకవచాన్ని శుక్రవారం, దీపారాధన లేదా వైభవలక్ష్మీ వ్రతం సమయంలో పఠించడం శ్రేయస్కరం. దీన్ని నిత్యం భక్తిపూర్వకంగా జపించినవారికి ధన, ధాన్యం, ఆరోగ్యం మరియు విజయాలు ప్రసాదిస్తుందని విశ్వాసం.
తరచుగా అడిగే ప్రశ్నలు
శ్రీ మహాలక్ష్మీ స్తవ కవచ పూజ అంటే ఏమిటి?
ఈ స్తోత్రాన్ని ఎప్పుడు మరియు ఎలా పఠించాలి?
శ్రీ మహాలక్ష్మీ స్తవ కవచ పూజ పఠనం వల్ల కలిగే ప్రయోజనాలు ఏమిటి?
ఈ స్తోత్రాన్ని ఎవరు పఠించవచ్చు?
ఈ కవచాన్ని ఎన్ని సార్లు పఠించాలి?
ఈ స్తోత్రం యొక్క మూలం లేదా పుట్టుక ఎలా జరిగింది?
వ్యాఖ్యలు
వ్యాఖ్య రాయడానికి లాగిన్ అవ్వండి
వ్యాఖ్యలు లోడ్ అవుతున్నాయి...

