ఓం పూర్ణపుష్కలాంబాసమేత శ్రీహరిహరపుత్రస్వామినే నమః ।
శ్రీధర్మశాస్తాసహస్రనామస్తోత్రం ।
అస్య శ్రీహరిహరపుత్రసహస్రనామస్తోత్రమాలామంత్రస్య
అర్ధనారీశ్వర ఋషిః । అనుష్టుప్ఛందః । శ్రీహరిహరపుత్రో దేవతా ।
హ్రాం బిజం, హ్రీం శక్తిః, హ్రూం కీలకం ।
శ్రీహరిహరపుత్రప్రసాదసిధ్యర్థే జపే వినియోగః ॥
అథ కరన్యాసః ।
హ్రాం అంగుష్ఠాభ్యాం నమః ।
హ్రీం తర్జనీభ్యాం నమః ।
హ్రూం మధ్యమాభ్యాం నమః ।
హ్రైం అనామికాభ్యాం నమః ।
హ్రౌం కనిష్ఠికాభ్యాం నమః ।
హ్రః కరతలకరపృష్ఠాభ్యాం నమః ॥
అథాంగన్యాసః ।
హ్రాం హృదయాయ నమః ।
హ్రీం శిరసే స్వాహా ।
హ్రూం శిఖాయై వషట్ ।
హ్రైం కవచాయ హం ।
హ్రౌం నేత్రత్రయాయ వౌషట్ ।
హ్రః అస్త్రాయ ఫట్ ।
భూర్భువస్సువరోం ఇతి దిగ్బంధః ॥
ధ్యానం -
ధ్యాయేదుమాపతిరమాపతిభాగ్యపుత్రం
వేత్రోజ్జ్వలత్కరతలం భసితాభిరామం ।
విశ్వైకవిశ్వవపుషం మృగయావినోదం
వాంఛానురూపఫలదం వరభుతనాథం ॥
ఆశ్రయామకోమలవిశాలతనుం విచిత్ర-
వాసో వసానమరుణోత్పలదామహస్తం ।
ఉత్తుంగరత్నమకుటం కుటిలాగ్రకేశం
శాస్తారమిష్టవరదం శరణం ప్రపద్యే ॥
పంచోపచారాః ।
లం పృథివ్యాత్మనే గంధం సమర్పయామి ।
హం ఆకాశాత్మనే పుష్పాణి సమర్పయామి ।
యం వాయ్వాత్మనే ధూపమాఘ్రాపయామి ।
రం అగ్న్యాత్మనే దీపం దర్శయామి ।
వం అమృతాత్మనే అమృతం మహానైవేద్యం నివేదయామి ।
సం సర్వాత్మనే సర్వోపచారపూజాం సమర్పయామి ।
మూలమంత్రః - ఓం ఘ్రూం నమః పరాయ గోప్త్రే నమః ॥
ఓం నమో భగవతే భూతనాథాయ ।
ఓం శివపుత్రో మహాతేజాః శివకార్యధురంధరః ।
శివప్రదశ్శివజ్ఞానీ శైవధర్మసురక్షకః ॥1॥
శంఖధారీ సురాధ్యక్షశ్చంద్రమౌలిస్సురోత్తమః ।
కామేశః కామతేజస్వీ కామాదిఫలసంయుతః ॥2॥
కల్యాణః కోమలాంగశ్చ కల్యాణఫలదాయకః ।
కరుణాబ్ధిః కర్మదక్షః కరుణారససాగరః ॥3॥
జగత్ప్రియో జగద్రక్షో జగదానందదాయకః ।
జయాది శాక్తిసంసేవ్యో జనాహ్లాదో జిగీషుకః ॥4॥
జితేంద్రియో జితక్రోధో జితదేవారిసంచయః ।
జైమిన్యాదిర్షిసంసేవ్యో జరామరణనాశకః ॥5॥
జనార్దనసుతో జ్యేష్ఠో జ్యేష్ఠాదిగణసేవితః ।
జన్మహీనో జితామిత్రో జనకేనాభిపూజితః ॥6॥
పరమేష్ఠీ పశుపతిః పంకజాసనపూజితః ।
పురహంతా పురత్రాతా పరమైశ్వర్యదాయకః ॥7॥
పవనాది సురైః సేవ్యః పంచబ్రహ్మపరాయణః ।
పార్వతీతనయో బ్రహ్మ పరానందః పరాత్పరః ॥8॥
బ్రహ్మిష్టో జ్ఞాననిరతో గుణాగుణనిరుపకః ।
గుణాధ్యక్షో గుణనిధిః గోపాలేనాభిపుజితః ॥9॥
గోరక్షకో గోధనదో గజారుఢో గజప్రియః ।
గజగ్రివో గజస్కంధో గభస్తిర్గోపతిః ప్రభుః ॥10॥
గ్రామపాలో గజాధ్యక్షో దిగ్గజేనాభిపూజితః ।
గణాధ్యక్షో గణపతిర్గవాం పతిరహర్పతిః ॥11॥
జటాధరో జలనిభో జైమిన్యాదిర్షిపూజితః ।
జలంధరనిహంతా చ శోణాక్షశ్శోణవాసకః ॥12॥
సురాధిపశ్శోకహంతా శోభాక్షస్సుర్యతైజసః ।
సురార్చితస్సురైర్వంద్యః శోణాంగః శాల్మలీపతిః ॥13॥
సుజ్యోతిశ్శరవీరఘ్నః శరచ్చంద్రనిభాననః ।
సనకాదిమునిధ్యేయః సర్వజ్ఞానప్రదో విభుః ॥14॥
హలాయుధో హంసనిభో హాహాహూహూ ముఖస్తుతః ।
హరిహరప్రియో హంసో హర్యక్షాసనతత్పరః ॥15॥
పావనః పావకనిభో భక్తపాపవినాశనః ।
భసితాంగో భయత్రాతా భానుమాన్ భయనాశనః ॥16॥
త్రిపుండ్రకస్త్రినయనః త్రిపుండ్రాంగితమస్తకః ।
త్రిపురఘ్నో దేవవరో దేవారికులనాశకః ॥17॥
దేవసేనాధిపస్తేజస్తేజోరాశిర్దశాననః ।
దారుణో దోషహంతా చ దోర్దండో దండనాయకః ॥18॥
ధనుష్పాణిర్ధరాధ్యక్షో ధనికో ధర్మవత్సలః ।
ధర్మజ్ఞో ధర్మనిరతో ధనుశ్శాస్త్రపరాయణః ॥19॥
స్థూలకర్ణః స్థూలతనుః స్థూలాక్షః స్థూలబాహుకః ।
తనూత్తమస్తనుత్రాణస్తారకస్తేజసాంపతిః ॥20॥
యోగీశ్వరో యోగనిధిర్యోగేశో యోగసంస్థితః ।
మందారవాటికామత్తో మలయాచలవాసభూః ॥21॥
మందారకుసుమప్రఖ్యో మందమారుతసేవితః ।
మహాభశ్చ మహావక్షా మనోహరమదార్చితః ॥22॥
మహోన్నతో మహాకాయో మహానేత్రో మహాహనుః ।
మరుత్పూజ్యో మానధనో మోహనో మోక్షదాయకః ॥23॥
మిత్రో మేధా మహౌజస్వీ మహావర్షప్రదాయకః ।
భాషకో భాష్యశాస్త్రజ్ఞో భానుమాన్ భానుతైజసః ॥24॥
భిషగ్భవానీపుత్రశ్చ భవతారణకారణః ।
నీలాంబరో నీలనిభో నీలగ్రీవో నిరంజనః ॥25॥
నేత్రత్రయో నిషాదజ్ఞో నానారత్నోపశోభితః ।
రత్నప్రభో రమాపుత్రో రమయా పరితోషితః ॥26॥
రాజసేవ్యో రాజధనః రణదోర్దండమండితః ।
రమణో రేణుకాసేవ్యో రాజనీచరదారణః ॥27॥
ఈశాన ఇభరాట్సేవ్య ఈషణాత్రయనాశనః ।
ఇడావాసో హేమనిభో హైమప్రాకారశోభితః ॥28॥
హయప్రియోహయగ్రీవో హంసో హరిహరాత్మజః ।
హాటకస్ఫటికప్రఖ్యో హంసారూఢేన సేవితః ॥29॥
వనవాసో వనాధ్యక్షో వామదేవో వరాననః ।
వైవస్వతపతిర్విష్ణుః విరాడ్రూపో విశాంపతిః ॥30॥
వేణునాదో వరగ్రివో వరాభయకరాన్వితః ।
వర్చస్వీ విపులగ్రీవో విపులాక్షో వినోదవాన్ ॥31॥
వైణవారణ్యవాసశ్చ వామదేవేనసేవితః ।
వేత్రహస్తో వేదవిధిర్వంశదేవో వరాంగకః ॥32॥
హ్రీంకారో హ్రీమ్మనా హృష్టో హిరణ్యః హేమసంభవః ।
హూతాశో హూతనిష్పన్నో హూఀకారాకృతిసుప్రభః ॥33॥
హవ్యవాహో హవ్యకరశ్చాట్టహాసోఽపరాహతః ।
అణురూపో రూపకరశ్చాజరోఽతనురూపకః ॥34॥
హంసమంత్రశ్చ హుతభుక్ హేమాంబరస్సులక్షణః ।
నీపప్రియో నీలవాసాః నిధిపాలో నిరాతపః ॥35॥
క్రోడహస్తస్తపస్త్రాతా తపోరక్షస్తపాహ్వయః ।
మూర్తాభిషిక్తో మానీ చ మంత్రరూపోః మృడో మనుః ॥36॥
మేధావీ మేదసో ముష్ణుః మకరో మకరాలయః ।
మార్త్తాండో మంజుకేశశ్చ మాసపాలో మహౌషధిః ॥37॥
శ్రోత్రియశ్శోభమానశ్చ సవితా సర్వదేశికః ।
చంద్రహాసశ్శ్మశ్శ్క్తః శశిభాసశ్శమాధికః ॥38॥
సుదంతస్సుకపోలశ్చ షడ్వర్ణస్సంపదోఽధిపః ।
గరలః కాలకంఠశ్చ గోనేతా గోముఖప్రభుః ॥39॥
కౌశికః కాలదేవశ్చ క్రోశకః క్రౌంచభేదకః ।
క్రియాకరః కృపాలుశ్చ కరవీరకరేరుహః ॥40॥
కందర్పదర్పహారీ చ కామదాతా కపాలకః ।
కైలాసవాసో వరదో విరోచనో విభావసుః ॥41॥
బభ్రువాహో బలాధ్యక్షః ఫణామణివిభుషణః ।
సుందరస్సుముఖః స్వచ్ఛః సఫాసశ్చ సఫాకరః ॥42॥
శరానివృత్తశ్శక్రాప్తః శరణాగతపాలకః ।
తీక్ష్ణదంష్ట్రో దీర్ఘజిహ్వః పింగలాక్షః పిశాచహా ॥43॥
అభేద్యశ్చాంగదార్ఢ్యశ్చ భోజపాలోఽథ భూపతిః ।
గృధ్రనాసోఽవిషహ్యశ్చ దిగ్దేహో దైన్యదాహకః ॥44॥
బాడవాపూరితముఖో వ్యాపకో విషమోచకః ।
వసంతస్సమరక్రుద్ధః పుంగవః పంగజాసనః ॥45॥
విశ్వదర్పో నిశ్చితజ్ఞో నాగాభరణభూషితః ।
భరతో భైరవాకారో భరణో వామనక్రియః ॥46॥
సింహాస్యస్సింహరూపశ్చ సేనాపతిస్సకారకః ।
సనాతనస్సిద్ధరూపీ సిద్ధధర్మపరాయణః ॥47॥
ఆదిత్యరూపశ్చాపధరశ్చామృతాబ్ధినివాసభూః ।
యువరాజో యోగివర్య ఉషస్తేజా ఉడుప్రభః ॥48॥
దేవాదిదేవో దైవజ్ఞస్తామ్రోష్ఠస్తామ్రలోచనః ।
పింగలాక్షః పిచ్ఛచూడః ఫణామణివిభూషితః ॥49॥
భుజంగభూషణో భోగో భోగానందకరోఽవ్యయః ।
పంచహస్తేన సంపూజ్యః పఙ్చబాణేనసేవితః ॥50॥
భవశ్శర్వో భానుమయః ప్రాజాపత్యస్వరుపకః ।
స్వచ్ఛందశ్ఛందశ్శస్త్రజ్ఞో దాంతో దేవో మనుః ప్రభుః ॥51॥
దశభుక్చ దశాధ్యక్షో దానవానాం వినాశనః ।
సహస్రాక్షశ్శరోత్పన్నః శతానందసమాగమః ॥52॥
గృధ్రాద్రివాసో గంభిరో గంధగ్రాహోగణేశ్వరః ।
గోమేధో గంఢకావాసో గోకులైః పరివారితః ॥53॥
పరివేషః పదజ్ఞానీ ప్రియంగుద్రుమవాసకః ।
గుహావాసో గురువరో వందనీయో వదాన్యకః ॥54॥
వృత్తాకారో వేణుపాణీర్వీణాదండధరోహరః ।
హైమీడ్యో హోత్రుసుభగో హౌత్రజ్ఞశ్చౌజసాం పతిః ॥55॥
పవమానః ప్రజాతంతుప్రదో దండవినాశనః ।
నిమీడ్యో నిమిషార్ధజ్ఞో నిమిషాకారకారణః ॥56॥
లిగుడాభో లిడాకారో లక్ష్మీవంద్యో వరప్రభుః ।
ఇడాజ్ఞః పింగలావాసః సుషుమ్నామధ్యసంభవః ॥57॥
భిక్షాటనో భీమవర్చా వరకీర్తిస్సభేశ్వరః ।
వాచోఽతీతో వరనిధిః పరివేత్తాప్రమాణకః ॥58॥
అప్రమేయోఽనిరుద్ధశ్చాప్యనంతాదిత్యసుప్రభః ।
వేషప్రియో విషగ్రాహో వరదానకరోత్తమః ॥59॥
విపినో వేదసారశ్చ వేదాంతైః పరితోషితః ।
వక్రాగమో వర్చవచా బలదాతా విమానవాన్ ॥60॥
వజ్రకాంతో వంశకరో వటురక్షావిశారదః ।
వప్రక్రీడో విప్రపూజ్యో వేలారాశిశ్చలాలకః ॥61॥
కోలాహలః క్రోడనేత్రఃక్రోడాస్యశ్చ కపాలభృత్ ।
కుంజరేడ్యో మంజువాసాఃక్రియామానః క్రియాప్రదః ॥62॥
క్రీడానాథః కీలహస్తః క్రోశమానో బలాధికః ।
కనకో హోతృభాగీ చ ఖవాసః ఖచరః ఖగః ॥63॥
గణకో గుణనిర్దుష్టో గుణత్యాగీ కుశాధిపః ।
పాటలః పత్రధారీ చ పలాశః పుత్రవర్ధనః ॥64॥
పితృసచ్చరితః ప్రేష్ఠః పాపభస్మః పునశ్చుచిః ।
భాలనేత్రః ఫుల్లకేశః ఫుల్లకల్హారభూషితః ॥65॥
ఫణిసేవ్యః పట్టభద్రః పటుర్వాగ్మీ వయోఽధికః ।
చోరనాట్యశ్చోరవేషశ్చోరఘ్నశ్చౌర్యవర్ధనః ॥66॥
చంచలాక్షశ్చామరకో మరీచిర్మదగామికః ।
మృడాభో మేషవాహశ్చ మైథిల్యో మోచకోమనుః ॥67॥
మనురూపో మంత్రదేవో మంత్రరాశిర్మహాదృఢః ।
స్థూపిజ్ఞో ధనదాతా చ దేవవంద్యశ్చతారణః ॥68॥
యజ్ఞప్రియో యమాధ్యక్ష ఇభక్రీడ ఇభేక్షణః ।
దధిప్రియో దురాధర్షో దారుపాలో దనూజహా ॥69॥
దామోదరోదామధరో దక్షిణామూర్తిరూపకః ।
శచీపూజ్యశ్శంఖకర్ణశ్చంద్రచూడో మనుప్రియః ॥70॥
గుడరూపో గుడాకేశః కులధర్మపరాయణః ।
కాలకంఠో గాఢగాత్రో గోత్రరూపః కులేశ్వరః ॥71॥
ఆనందభైరవారాధ్యో హయమేధఫలప్రదః ।
దధ్యన్నాసక్తహృదయో గుడాన్నప్రీతమానసః ॥72॥
ఘృతాన్నాసక్తహృదయో గౌరాంగో గర్వభంజకః ।
గణేశపూజ్యో గగనః గణానాం పతిరూర్జితః ॥73॥
ఛద్మహీనశ్శశిరదః శత్రూణాం పతిరంగిరాః । (శశిధరః)
చరాచరమయశ్శాంతః శరభేశశ్శతాతపః ॥74॥
వీరారాధ్యో వక్రగమో వేదాంగో వేదపారగః ।
పర్వతారోహణః పూషా పరమేశః ప్రజాపతిః ॥75॥
భావజ్ఞో భవరోగఘ్నో భవసాగరతారణః ।
చిదగ్నిదేహశ్చిద్రూపశ్చిదానందశ్చిదాకృతిః ॥76॥
నాట్యప్రియో నరపతిర్నరనారాయణార్చితః ।
నిషాదరాజో నీహారో నేష్టా నిష్ఠూరభాషణః ॥77॥
నిమ్నప్రియో నీలనేత్రో నీలాంగో నీలకేశకః ।
సింహాక్షస్సర్వవిఘ్నేశస్సామవేదపరాయణః ॥78॥
సనకాదిమునిధ్యేయః శర్వరీశః షడాననః ।
సురూపస్సులభస్స్వర్గః శచీనాథేన పూజితః ॥79॥
కాకీనః కామదహనో దగ్ధపాపో ధరాధిపః ।
దామగ్రంధీ శతస్త్రీశస్తశ్రీపాలశ్చ తారకః ॥80॥
తామ్రాక్షస్తీక్ష్ణదంష్ట్రశ్చ తిలభోజ్యస్తిలోదరః ।
మాండుకర్ణో మృడాధీశో మేరువర్ణో మహోదరః ॥81॥
మార్తాండభైరవారాధ్యో మణిరూపో మరుద్వహః ।
మాషప్రియో మధుపానో మృణాలో మోహినీపతిః ॥82॥
మహాకామేశతనయో మాధవో మదగర్వితః ।
మూలాధారాంబుజావాసో మూలవిద్యాస్వరూపకః ॥83॥
స్వాధిష్టానమయః స్వస్థః స్వస్థివాక్యః స్రువాయుధః ।
మణిపూరాబ్జనిలయో మహాభైరవపూజితః ॥84॥
అనాహతాబ్జరసికో హ్రీంకారరసపేశలః ।
భూమధ్యవాసో భూకాంతో భరద్వాజప్రపూజితః ॥85॥
సహస్రారాంబుజావాసః సవితా సామవాచకః ।
ముకుందశ్చ గుణాతీతో గుణపూజ్యో గుణాశ్రయః ॥86॥
ధన్యశ్చ ధనభృద్దాహో ధనదానకరాంబుజః ।
మహాశయో మహాతీతో మాయాహీనో మదార్చితః ॥87॥
మాఠరో మోక్షఫలదః సద్వైరికులనాశనః ।
పింగలః పింఛచూడశ్చ పిశితాశపవిత్రకః ॥88॥
పాయసాన్నప్రియః పర్వపక్షమాసవిభాజకః ।
వజ్రభూషో వజ్రకాయో విరించోవరవక్షణః ॥89॥
విజ్ఞానకలికావృందో విశ్వరూపప్రదర్శకః ।
డంభఘ్నో దమఘోషఘ్నో దాసపాలస్తపౌజసః ॥90॥
ద్రోణకుంభాభిషిక్తశ్చ ద్రోహినాశస్తపాతురః ।
మహావీరేంద్రవరదో మహాసంసారనాశనః ॥91॥
లాకినీ హాకినీలబ్ధో లవణాంభోధితారణః ।
కాకిలః కాలపాశఘ్నఃకర్మబంధవిమోచకః ॥92॥
మోచకో మోహనిర్భిన్నో భగారాధ్యో బృహత్తనుః ।
అక్షయోఽక్రూరవరదో వక్రాగమవినాశనః ॥93॥
డాకీనః సూర్యతేజస్వీ సర్పభూషశ్చ సద్గురుః ।
స్వతంత్రః సర్వతంత్రేశో దక్షిణాదిగధీశ్వరః ॥94॥
సచ్చిదానందకలికః ప్రేమరూపః ప్రియంకరః ।
మిధ్యాజగదధిష్టానో ముక్తిదో ముక్తిరూపకః ॥95॥
ముముక్షుః కర్మఫలదో మార్గదక్షోఽథ కర్మఠః ।
మహాబుద్ధో మహాశుద్ధః శుకవర్ణః శుకప్రియః ॥96॥
సోమప్రియః స్వరప్రీతః పర్వారాధనతత్పరః ।
అజపో జనహంసశ్చ ఫలపాణిప్రపూజితః ॥97॥
అర్చితో వర్ధనో వాగ్మీ వీరవేషో విధుప్రియః ।
లాస్యప్రియో లయకరో లాభాలాభవివర్జితః ॥98॥
పంచాననః పఙ్చగూఢః పఙ్చయజ్ఞఫలప్రదః ।
పాశహస్తః పావకేశః పర్జన్యసమగర్జనః ॥99॥
పపారిః పరమోదారః ప్రజేశః పంకనాశనః ।
నష్టకర్మా నష్టవైర ఇష్టసిద్ధిప్రదాయకః ॥100॥
నాగాధీశో నష్టపాప ఇష్టనామవిధాయకః ।
పంచకృత్యపరః పాతా పంచపంచాతిశాయికః ॥101॥
పద్మాక్షోః పద్మవదనః పావకాభః ప్రియంకరః ।
కార్తస్వరాంగో గౌరాంగో గౌరీపుత్రో ధనేశ్వరః ॥102॥
గణేశాశ్లిష్టదేహశ్చ శీతాంశుః శుభదీదితిః ।
దక్షధ్వంసో దక్షకరో వరః కాత్యాయనీసుతః ॥103॥
సుముఖో మార్గణో గర్భో గర్వభంగః కుశాసనః ।
కులపాలపతిః శ్రేష్ఠో పవమానః ప్రజాధిపః ॥104॥
దర్శప్రియో నిర్వికారో దీర్ఘకాయో దివాకరః ।
భేరీనాదప్రియో వృందో బృహత్సేనః సుపాలకః ॥105॥
సుబ్రహ్మా బ్రహ్మరసికో రసజ్ఞో రజతాద్రిభాః ।
తిమిరఘ్నో మిహిరాభో మహానీలసమప్రభః ॥106॥
శ్రీచందనవిలిప్తాంగః శ్రీపుత్రఃశ్రీతరుప్రియః ।
లాక్షావర్ణో లసత్కర్ణో రజనీధ్వంసిసన్నిభః ॥107॥
బిందుప్రియోఽమ్బికాపుత్రో బైందవో బలనాయకః ।
ఆపన్నతారకస్తప్తస్తప్తకృచ్ఛ్రఫలప్రదః ॥108॥
మరుద్ధృతో మహాఖర్వశ్చీరవాసాః శిఖిప్రియః ।
ఆయుష్మాననఘో దూత ఆయుర్వేదపరాయణః ॥109॥
హంసః పరమహంసశ్చాప్యవధూతాశ్రమప్రియః ।
అశ్వవేగోఽశ్వహృదయో హయధైర్యో ఫలప్రదః ॥110॥
సుముఖో దుర్ముఖో విఘ్నోనిర్విఘ్నో విఘ్ననాశనః ।
ఆర్యో నాథోఽర్యమాభాసఃఫాల్గునః భాలలోచనః ॥111॥
అరాతిఘ్నో ఘనగ్రీవో గ్రీష్మసూర్యసమప్రభః ।
కిరీటీ కల్పశాస్త్రజ్ఞః కల్పానలవిధాయకః ॥112॥
జ్ఞానవిజ్ఞానఫలదో విరించారివినాశనః ।
వీరమార్త్తాండవరదో వీరబాహుశ్చ పూర్వజః ॥113॥
వీరసింహాసనో విజ్ఞో వీరకార్యోఽస్తదానవః ।
నరవీరసుహృద్భ్రాతా నాగరత్నవిభూషితః ॥114॥
వాచస్పతిః పురారాతిః సంవర్త్తః సమరేశ్వరః ।
ఉరువాగ్మీహ్యుమాపుత్రః ఉడులోకసురక్షకః ॥115॥
శృంగారరససంపూర్ణః సిందూరతిలకాంకితః ।
కుంకుమాంకితసర్వాంగః కాలకేయవినాశనః ॥116॥
మత్తనాగప్రియో నేతా నాగగంధర్వపూజితః ।
సుస్వప్నబోధకో బోధో గౌరీదుస్వప్ననాశనః ॥117॥
చింతారాశిపరిధ్వంసీ చింతామణివిభూషితః ।
చరాచరజగత్స్రష్టా చలత్కుండలకర్ణయుక్ ॥118॥
ముకురాస్యో మూలనిధిర్నిధిద్వయనిషేవితః ।
నీరాజనప్రీతమనాః నీలనేత్రో నయప్రదః ॥119॥
కేదారేశః కిరాతశ్చ కాలాత్మా కల్పవిగ్రహః ।
కల్పాంతభైరవారాధ్యః కంకపత్రశరాయుధః ॥120॥
కలాకాష్ఠస్వరూపశ్చ ౠతువర్షాదిమాసవాన్ ।
దినేశమండలావాసో వాసవాదిప్రపూజితః ॥121॥
బహులాస్తంబకర్మజ్ఞః పంచాశద్వర్ణరూపకః ।
చింతాహీనశ్చిదాక్రాంతః చారుపాలోహలాయుధః ॥122॥
బందూకకుసుమప్రఖ్యః పరగర్వవిభంజనః ।
విద్వత్తమో విరాధఘ్నః సచిత్రశ్చిత్రకర్మకః ॥123॥
సంగీతలోలుపమనాః స్నిగ్ధగంభీరగర్జ్జితః ।
తుంగవక్త్రః స్తవరసశ్చాభ్రాభో భ్రమరేక్షణః ॥124॥
లీలాకమలహస్తాబ్జో బాలకుందవిభూషితః ।
లోధ్రప్రసవశుధాభః శిరీషకుసుమప్రియః ॥125॥
త్రస్తత్రాణకరస్తత్త్వం తత్త్వవాక్యార్థబోధకః ।
వర్షీయాంశ్చ విధిస్తుత్యో వేదాంతప్రతిపాదకః ॥126॥
మూలభూతో మూలతత్త్వం మూలకారణవిగ్రహః ।
ఆదినాథోఽక్షయఫలః పాణిజన్మాఽపరాజితః ॥127॥
గానప్రియో గానలోలో మహేశో విజ్ఞమానసః ।
గిరీజాస్తన్యరసికో గిరిరాజవరస్తుతః ॥128॥
పీయూషకుంభహస్తాబ్జః పాశత్యాగీ చిరంతనః ।
సుధాలాలసవక్త్రాబ్జః సురద్రుమఫలేప్సితః ॥129॥
రత్నహాటకభూషాంగో రావణాదిప్రపూజితః ।
కనత్కాలేయసుప్రీతః క్రౌంచగర్వవినాశనః ॥130॥
అశేషజనసమ్మోహ ఆయుర్విద్యాఫలప్రదః ।
అవబద్ధదుకూలాంగో హారాలంకృతకంధరః ॥131॥
కేతకీకుసుమప్రీతః కలభైః పరివారితః ।
కేకాప్రియః కార్తికేయః సారంగనినదప్రియః ॥132॥
చాతకాలాపసంతుష్టశ్చమరీమృగసేవితః ।
ఆమ్రకూటాద్రిసంచారీ చామ్నాయఫలదాయకః ॥133॥
ధృతాక్షసూత్రపాణిశ్చాప్యక్షిరోగవినాశనః ।
ముకుందపూజ్యో మోహాంగో మునిమానసతోషితః ॥134॥
తైలాభిషిక్తసుశీరాస్తర్జనీముద్రికాయుతః ।
తటాతకామనః ప్రీతస్తమోగఉణవినాశనః ॥135॥
అనామయోఽప్యనాదర్శశ్చార్జునాభో హుతప్రియః ।
షాడ్గుణ్య పరిసంపూర్ణస్సప్తాశ్వాదిగృహైః స్తుతః ॥136॥
వీతశోకఃప్రసాదజ్ఞః సప్తప్రాణవరప్రదః ।
సప్తార్చిశ్చ త్రినయనస్త్రివేణీఫలదాయకః ॥137॥
కృష్ణవర్త్మా వేదముఖో దారుమండలమధ్యగః ।
వీరనూపురపాదాబ్జో వీరకంకణపాణిమాన్ ॥138॥
విశ్వమూర్తిశ్శుద్ధముఖశ్శుద్ధభస్మానులేపనః ।
శుంభధ్వంసిన్యా సంపూజ్యో రక్తబీజకులాంతకః ॥139॥
నిషాదాదిస్వరప్రీతః నమస్కారఫలప్రదః ।
భక్తారిపంచతాదాయీ సజ్జీకృతశరాయుధః ॥140॥
అభయంకరమంత్రజ్ఞః కుబ్జికామంత్రవిగ్రహః ।
ధూమ్రాక్షశ్చోగ్రతేజస్వీ దశకంఠవినాశనః ॥141॥
ఆశుగాయుధహస్తాబ్జో గదాయుధకరాంబుజః ।
పాశాయుధసుపాణిశ్చ కపాలాయుధసద్భుజః ॥142॥
సహస్రశీర్షవదనః సహస్రద్వయలోచనః ।
నానాహేతిర్ధనుష్పాణిః నానాస్రగ్భూషణప్రియః ॥143॥
ఆశ్యామకోమలతనూరారక్తాపాంగలోచనః ।
ద్వాదశాహక్రతుప్రీతః పౌండరీకఫలప్రదః ॥144॥
అప్తోర్యామక్రతుమయశ్చయనాదిఫలప్రదః ।
పశుబంధస్యఫలదో వాజపేయాత్మదైవతః ॥145॥
ఆబ్రహ్మకీటజననావనాత్మా చంబకప్రియః ।
పశుపాశవిభాగజ్ఞః పరిజ్ఞానప్రదాయకః ॥146॥
కల్పేశ్వరః కల్పవర్యో జాతవేదా ప్రభాకరః ।
కుంభీశ్వరః కుంభపాణీః కుంకుమాక్తలలాటకః ॥147॥
శిలీంధ్రపత్రసంకాశః సింహవక్త్రప్రమర్దనః ।
కోకిలక్వణనాకర్ణీ కాలనాశనతత్పరః ॥148॥
నైయ్యాయికమతఘ్నశ్చ బౌద్ధసంఘవినాశనః ।
ధృతహేమాబ్జపాణిశ్చ హోమసంతుష్టమానసః ॥149॥
పితృయజ్ఞస్యఫలదః పితృవజ్జనరక్షకః ।
పదాతికర్మనిరతః పృషదాజ్యప్రదాయకః ॥150॥
మహాసురవధోద్యుక్తః స్వాస్త్రప్రత్యస్త్రవర్షకః ।
మహావర్షతిరోధానః నాగాభృతకరాంబుజః ॥151॥
నమః స్వాహావషట్ వౌషట్ వల్లవప్రతిపాదకః ।
మహీరసదృశగ్రీవో మహీరసదృశస్తవః ॥152॥
తంత్రీవాదనహస్తాగ్రః సంగీతప్రీతమానసః ।
చిదంశముకురావాసో మణికూటాద్రి సంచరః ॥153॥
లీలాసంచారతనుకో లింగశాస్త్రప్రవర్తకః ।
రాకేందుద్యుతిసంపన్నో యాగకర్మఫలప్రదః ॥154॥
మైనాకగిరిసంచారీ మధువంశవినాశనః ।
తాలఖండపురావాసః తమాలనిభతైజసః ॥155॥
శ్రీధర్మశాస్తాసహస్రనామస్తోత్రం సంపూర్ణం ।
అర్థం
అనువాద ప్రారంభ/ఆవాహన (Invocation & preliminaries):
• “ఓం పూర్ణపుష్కలాం…” — శ్రీహరిహరపుత్రస్వామికి నమస్కారము. ఈ గ్రంథం శ్రీ ధర్మశాస్తా సహస్రనామ స్తోత్రమేనని చెప్పబడింది. రిషి అర్ధనారీశ్వర; ఛందస్ప్రకారం అనుష్టుప్. బీజమంత్రాలు హ్రాం, హ్రీం, హ్రూమ్ — జపానికి వినియోగం. జపశుద్ధి కోసం కరణ్యాసం, ఆంగన్యాసం సూచనలు (అంగుఠి → హ్రాం, తదితరాలు). దిగ్బంధ (భూర్భువస్సువః) — స్థిరత. ధ్యానం: భవదీయమైన వరభవతనాథుని ధ్యానం (విశ్వైక, మృగయావినోద, ఇత్యాది).
పంచోపచార (Panchopachara) సూచనలు:
• భక్తి పూర్తి ఐక్యంతో పృధివ్యాదిమంతులకు గంధ, పుష్ప, ధూప, దీప, అమృత నైవేద్యాలు సమర్పించవలెను. మూలమంత్రం: ఓం ఘ్రూం నమః పరాయ గోప్త్రే నమః.
స్తవ శ్లోక (పొడవైన పేర్లు — సంక్షిప్త అర్థ రీతిలో):
శ్లోక 1–8 (ఉపనామావళి ప్రారంభ భాగం):
1. హరిహరపుత్ర స్వామికి నమస్కారం — జగత్పాలక, పంచాక్షరమంత్రప్రియుడు, పంచాస్త్రాల కాంతితో భాస్మానుడైన విభో.
2. శివవిష్ణువు వైభవ కలవేలలో కనిపించే శక్తి, కామేశ (కామదాతా) స్వరూపం.
3. కల్యాణమైన, కరుణామయుడైన, కర్మదక్షుడైన గుణాచంద్రుడుగా వర్ణించబడినవాడు.
4. జగత్ప్రీతికర్త, జగద్రక్షకుడు, జనరంజకుడు; ప్రజల కోవిడిని ఆకర్షించే సర్వసుఖవంతుడు.
5–8. జితేంద్రి, జితక్రోధ, మరణనాశకుడు, పండ్యులచే పూజింపబడిన మహిమ — జన్మదుఃఖనాశకత్వం పుంజితంగా వర్ణింపబడింది.
మధ్య పేర్లు (9–60):
• వీటిలో శక్ప్రకార విశేషణాలు: గోవర్ధక, గజాధిపతి, వనాధిపతి వంటి వ్యాపక పుణ్యఫలదాయకులుగా, శత్రుస్తంభన, దోషహంత, రక్షకత్వ లక్షణాలు ప్రత్యేకంగా చెప్పబడ్డాయి.
• పుష్టి, ధన, ఐశ్వర్య প্রদান, యోధ శక్తి, జ్ఞానఫలం, సంతానదానం వంటి పెద్దవారి వరాలు పేర్కొన్నవి.
మరో బహుళ శ్రేణి (61–120):
• ఇది ఆయుధ, రూప, స్వభావ, తేజస్సు, ఆచరణల వివిధ రూపాలు: వజ్రకాంతి, వంశకర, మద్గామిక, ముకుందపూజ్యుడు, యజ్ఞప్రీతుడు వంటి ఆకారాలలో భగవంతుని వివిధదిశలుగా ప్రసిద్ధి.
• పితృయజ్ఞఫలద, మహాసురవధ, నామా వర్గాల్లా ప్రత్యేక గుర్తింపులు.
చివరి పేర్లు (121–154):
• సంక్షిప్తంగా: కళా, వేద, యాగ, సంస్కార, భక్తి, రక్షణ, మోక్షాల పరోపకార లక్షణాలు; చివరగా “శ్రీ ధర్మశాస్తాసహస్రనామస్తోత్రం సంపూర్ణం” — సమాప్తి.
తరచుగా అడిగే ప్రశ్నలు
శ్రీ ధర్మశాస్తా సహస్రనామ స్తోత్రం అంటే ఏమిటి?
ఈ స్తోత్రాన్ని ఎప్పుడు మరియు ఎలా పఠించాలి?
శ్రీ ధర్మశాస్తా సహస్రనామ స్తోత్ర పఠనం వల్ల కలిగే ప్రయోజనాలు ఏమిటి?
ఈ స్తోత్రాన్ని ఎవరు పఠించవచ్చు?
ఈ స్తోత్రాన్ని ఎన్ని సార్లు పఠించాలి?
ఈ స్తోత్రం యొక్క మూలం లేదా చరిత్ర ఏమిటి?
వ్యాఖ్యలు
వ్యాఖ్య రాయడానికి లాగిన్ అవ్వండి
వ్యాఖ్యలు లోడ్ అవుతున్నాయి...

