Namaskaram

M

Sri Mahalakshmi Stava

Edited by Updated
StotramLakshmi
0 views

mayi kuru maṃgalamaṃbujavāsini maṃgaladāyini maṃjugate
    matimalahāriṇi maṃjul̤abhāṣiṇi manmathatātavinodarate |
munijanapālini mauktikamālini sadguṇavarṣiṇi sādhunute
    jaya jaya he madhusūdanamohini modavidhāyini vedanute ||1||

kalimalahāriṇi kāmitadāyini kāṃtavidhāyini kāṃtahite
    kamaladalopama kamrapadadvaya śiṃjitanūpura nādayute |
kamalasumālini kāṃcanahāriṇi lokasukhaiṣiṇi kāminute
    jaya jaya he madhusūdanamohini modavidhāyini vedanute ||2||

kuvalayamocakanetrakṛpāparipālita saṃśritabhaktakule
    guruvara śaṃkarasannutituṣṭisuvṛṣṭasuhemamayāmalake |
ravikulavāridhicaṃdrasamādaramaṃtragṛhītasupāṇitale
    jaya jaya he madhusūdanamohini modavidhāyini vedanute ||3||

kulalalanākulalāl̤italolavilocanapūrṇakṛpākamale
    caladal̤akāvalivāridamadhyagacaṃdrasunirmalaphālatale |
maṇimayabhāsurakarṇavibhūṣaṇakāṃtipariṣkṛtagaṃḍatale
    jaya jaya he madhusūdanamohini modavidhāyini vedanute ||4||

suragaṇadānavamaṃḍalalohitasāgarasaṃbhavadivyatano
    sakalasurāsuradevamunīnatihāya ca doṣadṛśāhi rame |
guṇagaṇavāridhināthamahorasidattasumāvalijātamude
    jaya jaya he madhusūdanamohini modavidhāyini vedanute ||5||

kanakaghaṭopamakuṃkumaśobhita hārasuraṃjita divyakuce
    kamalajapūjita kuṃkumapaṃgila kāṃtapadadvayatāmarase |
karadhṛtakaṃjasume kaṭivītadūkulamanoharakāṃtivṛte
    jaya jaya he madhusūdanamohini modavidhāyini vedanute ||6||

surapatipūjanadattamanoharacaṃdanakuṃkumasaṃvalite
    surayuvatīkṛtavādananartanavījanavaṃdanasammudite |
nijaramaṇāruṇapādasaroruhamardanakalpanatoṣayute
    jaya jaya he madhusūdanamohini modavidhāyini vedanute ||7||

dinamaṇisannibhadīpasudīpita ratnasamāvṛtadivyagṛhe
    sutadhanadhānyamukhābhidhalakṣmyabhisaṃvṛtakāṃtagṛhītakare |
nijavanapūjana divyasumārcana vaṃdanakalpitabhartṛmude
    jaya jaya he madhusūdanamohini modavidhāyini vedanute ||8||

mama hṛdivāsa parābhavatāpamapākuru dehi mudaṃ hi rame
    mayi karuṇāṃ kuru sādaravīkṣaṇamarthijane diśa cārutano |
sakṛtabhivīkṣaṇajātamahodayaśakramukhākhiladevagaṇe
    jaya jaya he madhusūdanamohini modavidhāyini vedanute ||9||

sutadhanamauktikahaimaniveśitaratnasubhūṣaṇa dānarate
    rathagajavājisamāvṛtamaṃdirarājyasukalpanakalpalate |
kusumasucaṃdanavastramanohararūpakalāratipoṣarate
    jaya jaya he madhusūdanamohini modavidhāyini vedanute ||10||

dhimi dhimi dhiṃdhimi dhiṃdhimi dhiṃdhimi duṃdubhinādasupūrṇadiśe
    ghuma ghuma ghuṃghuma ghuṃghuma ghuṃghuma śaṃkhaninādasutuṣṭivaśe |
naṭanakalāpaṭudevanaṭīkulacaṃkramanartanadattadṛśe
    jaya jaya he madhusūdanamohini modavidhāyini vedanute ||11||

hariharapūjanamadbhutabhāṣaṇamaṣṭasusiddhimupānaya me
    madhukṛtapāyasamudgakṛtaudanabhakṣyanivedanatuṣṭamate |
sakalasumārpaṇapūjanasaṃbhramadevavadhūkulasaṃvalite
    jaya jaya he madhusūdanamohini modavidhāyini vedanute ||12||

anavadhimaṃgalamārtivināśanamacyutasevanamaṃba rame
    nikhilakalāmatimāstikasaṃgamamiṃdriyapāṭavamarpaya me |
amitamahodayamiṣṭasamāgamamaṣṭasusaṃpadamāśu mama
    jaya jaya he madhusūdanamohini modavidhāyini vedanute ||13||

karadhṛtaśuklasumāvalinirmitahāragajīvṛtapārśvatale
    kamalanivāsini śokavināśini daivasuvāsini lakṣmyabhide |
nijaramaṇāruṇacaṃdanacarcitacaṃpakahārasucārugale
    jaya jaya he madhusūdanamohini modavidhāyini vedanute ||14||

anaghamanaṃtapadānvitarāmasudīkṣitasatkṛtapadyamidaṃ
    paṭhati śṛṇoti ca bhaktiyuto yadi bhāgyasamṛddhimatho labhate |
dvijavaradeśikasannutituṣṭarame paripālaya lokamimaṃ
    jaya jaya he madhusūdanamohini modavidhāyini vedanute ||15||

iti śrī anaṃtarāmadīkṣitena viracitaḥ śrīmahālakṣmīstavaḥ saṃpūrṇaḥ |

Meaning

This Sri Mahalakshmi Stava, composed by the revered Sri Anantarama Deekshita, is a devotional hymn glorifying Goddess Lakshmi — the divine consort of Lord Vishnu, the bestower of wealth, auspiciousness, and bliss.

Each verse describes Mahalakshmi as the embodiment of beauty, compassion, wisdom, and fortune, residing in the lotus and bestowing prosperity upon her devotees.

The refrain “Jaya Jaya He Madhusudana Mohini Moda Vidhayini Vedanuthe” symbolizes the harmony of devotion and joy, depicting her as both the enchantress of Lord Vishnu and the giver of eternal happiness.

Summary:
    •    The hymn removes sorrow, sin, and poverty while inviting divine joy and abundance.
    •    Reciting it with devotion ensures spiritual purification, peace, and fulfillment of desires.
    •    It is said that the one who reads or listens to this stotra with faith is blessed with lasting prosperity and divine grace.

Best Time to Recite:
Fridays, full moon days (Pournami), or during Deepa Aradhana and Vaibhava Lakshmi Vratam for maximum benefit.

Frequently asked questions

Who composed the Sri Mahalakshmi Stava?
The colophon credits it to Sri Anantarama Dikshita. He also works his name into the last verse with the words ananta pada anvita rama sudikshita.
What is the refrain of the Sri Mahalakshmi Stava?
All fifteen verses end with jaya jaya he madhusudana mohini moda vidhayini vedanute. It hails Lakshmi as the one who enchants Madhusudana, gives joy and is praised by the Vedas.
Which story does the third verse of the Mahalakshmi Stava recall?
It recalls the Kanakadhara episode, where Lakshmi, pleased by the hymn of the guru Shankara, showered golden amalaka fruits. The same verse also mentions Rama, the moon of the Raghu clan, taking her hand.
Why does verse 11 of the Mahalakshmi Stava sound different from the rest?
It is built from sound words, dhimi dhimi dhimdhimi for the kettle-drums and ghuma ghuma ghumghuma for the conches. The verse paints the goddess watching celestial dancers while the drums fill every direction.
What does the phala shruti of the Mahalakshmi Stava say, and when is it sung?
Verse 15 says that whoever reads or listens to it with devotion gains good fortune and plenty. It is often sung on Fridays, at Varalakshmi Vratam and at Deepavali Lakshmi puja, taking about seven or eight minutes.

Comments

Please login to leave a comment

Loading comments...