Sri Angaraka Stotram

śrī aṃgāraka stotraṃ
 
aṃgārakaḥ śaktidharo lohitāṃgo dharāsutaḥ |
kumāro maṃgalo bhaumo mahākāyo dhanapradaḥ || 1 ||

ṛṇahartā dṛṣṭikartā rogakṛdroganāśanaḥ |
vidyutprabho vraṇakaraḥ kāmado dhanahṛt kujaḥ || 2 ||

sāmagānapriyo raktavastro raktāyatekṣaṇaḥ |
lohito raktavarṇaśca sarvakarmāvabodhakaḥ || 3 ||

raktamālyadharo hemakuṃḍalī grahanāyakaḥ |
nāmānyetāni bhaumasya yaḥ paṭhetsatataṃ naraḥ || 4 ||

ṛṇaṃ tasya ca daurbhāgyaṃ dāridryaṃ ca vinaśyati |
dhanaṃ prāpnoti vipulaṃ striyaṃ caiva manoramām || 5 ||

vaṃśoddyotakaraṃ putraṃ labhate nātra saṃśayaḥ |
yo'rcayedahni bhaumasya maṃgalaṃ bahupuṣpakaiḥ || 6 ||

sarvā naśyati pīḍā ca tasya grahakṛtā dhruvam || 7 ||

     iti  śrī aṃgāraka stotraṃ